فوتو: Tengrinews.kz/تۇرار قازانعاپوۆ
اقتٶبە وبلىسى شالقار اۋدانى قاراتوعاي اۋىلىندا 5-سىنىپتىڭ وقۋشىسىن اۋداندىق بٸلٸم بٶلٸمٸ باسشىسىنىڭ مۇعالٸم ەيەلٸ ۇرعان, دەپ حابارلايدى Sputnik قازاقستان.
وقيعا 3 سەۋٸردە بولعان. قاراتوعاي اۋىلىنىڭ 10 جاستاعى وقۋشىسى نۇرسايات مۇراتوۆ ەكٸ بٸردەي پەداگوگتان زەبٸر كٶرگەن. ونىڭ بٸرٸ - مەكتەپتٸڭ تەربيە مەڭگەرۋشٸسٸ. نۇرساياتتىڭ ەكەسٸ دەۋٸرباي مىرزاعارىنىڭ ايتۋىنشا, بالاسىنىڭ ايىبى – 10-سىنىپ وقۋشىسىنا ۆاتساپ ارقىلى دٶرەكٸ سٶزدەر جازعانى.
"مەكتەپكە شاقىرىپ, بالانىڭ تەرتٸپسٸزدٸگٸن ايتتى. بالامدى كابينەتكە سٷيرەپ ەكەلدٸ. مەن وعان رەنجٸپ تۇرعانىم جوق. سول جەردە مۇعالٸمدەردەن بالامنىڭ قىلىعى ٷشٸن كەشٸرٸم سۇرادىم دا, كەتٸپ قالدىم. بٸراق مەن ۇلىمدى مۇعالٸمنٸڭ ۇرعانىن بٸلگەن جوقپىن. ەرتەسٸ كٷنٸ مەنٸ پوليتسييا بالاممەن قوسىپ شاقىردى. مەن مالدان شىعا المايتىنىمدى ايتىپ بارمادىم. اتا-انا قۇقىنان ايىرادى دەپ بٸرنەرسە ايتتى. سٶيتسەم, جاڭاعى بالامدى ۇرعان مۇعالٸم گٷلزات سٷلەيمەنوۆا پوليتسيياعا بارىپ, بالامنىڭ ٷستٸنەن ارىز جازىپتى", - دەيدٸ دەۋٸرباي مىرزاعارى.
شالقار اۋداندىق پوليتسييا بٶلٸمٸ پەداگوگ گٷلزات سٷلەيمەنوۆادان 5-شٸ سىنىپ وقۋشىسىنىڭ ٷستٸنەن شاعىم تٷسٸرگەنٸن راستادى.
"4 سەۋٸردە گٷلزات سٷلەيمەنوۆا پوليتسييا شاقىرتتى. شاقىرتۋ تٷسكەن سوڭ بارۋعا مٸندەتتٸمٸز. سٷلەيمەنوۆا "نۇرسايات مۇراتوۆ بالاعات سٶز ايتتى" دەپ شاعىم جازدى. بٸز نۇرساياتتىڭ ەكەسٸ دەرٸباي مىرزاعارىنى شاقىردىق, ول كٸسٸ مالدان شىعا المايتىنىن ايتىپ باسىندا كەلمەگەن, سوسىن كەلدٸ. بٸز بالانىڭ ەكەسٸنەن جاۋاپ الدىق. مۇعالٸمگە قارسى شاعىم جازۋعا بولاتىنىن ايتتىق. بٸراق دەۋٸرباي مىرزاعارى مۇعالٸمنٸڭ ٷستٸنەن ارىز جازۋدان باس تارتتى. بٸز بۇل ٸستٸ اۋدان ەكٸمٸ جانىنداعى كوميسسيياعا جٸبەرەمٸز. ارى قاراي سولار شەشەدٸ", - دەيدٸ شالقار اۋدانى پب باستىعىنىڭ بٸرٸنشٸ ورىنباسارى ايبەك بوراشەۆ.
ەشنەرسەدەن حابارى جوق ەكە ەۋ باستا بالاسىن اۋداندىق اۋرۋحاناعا ەكەلگەن. ٶيتكەنٸ بالا ەكٸ كٷن بويى تٷنٸمەن ۇيىقتاماي, شوشىپ شىققان.
"بالا سوڭعى ەكٸ كٷندە ۇيىقتاپ جاتىپ شوشىپ, ورنىنان تٷن ٸشٸندە تۇرىپ جٷرٸپ كەتە بەردٸ. سوسىن اۋدانعا دەرٸگەرگە ەكەلدٸم. پسيحولوگ بالا قاتتى شوشىنعان دەيدٸ. بالامدى ۇرعانىن مەن بٸلمەپپٸن. ونى ماعان اۋدان ەمحاناسىنداعى پسيحولوگ ايتتى. مەكتەپتە وقۋشىلارمەن تٶبەلەسٸپ قالعان شىعار دەدٸم. سٶيتسەم, مۇعالٸم ۇرعان. بالام ۆاتساپ ارقىلى 10-شى سىنىپتاعى وقۋشى ۇلعا قىز بولىپ دٶرەكٸ سٶز جازىپتى. ونى ماعان كٶرسەتتٸ. ول قىزدىڭ اناسى مەكتەپتە مۇعالٸم بولىپ ٸستەيتٸن گٷلزات سٷلەيمەنوۆا دەگەن كٸسٸ. ونىمەن بٸرگە تەربيە مەڭگەرۋشٸسٸ بولعان. تەربيە مەڭگەرۋشٸسٸ كٷشتەپ بالاعا تٷسٸنٸك جازدىرعان, ال انا مۇعالٸم ۇرعان", - دەيدٸ جەبٸرلەنۋشٸنٸڭ ەكەسٸ دەۋٸرباي مىرزاعارى.
بالا مۇعالٸمنٸڭ ۇرعانىن ەكەسٸنە ايتپاعان, بٸراق پسيحولوگقا باستان اياق بولعان وقيعانى بايانداپ بەرگەن.
"بالادا قورقىنىش بار. بالا ايتادى "ايسۇلتان دەگەن بالانىڭ ەپكەسٸ بولىپ, وقۋشى ۇلعا SMS جازدىم, پرانك جاساعىم كەلدٸ" دەيدٸ. انا ۇل كٸم جازعانىن ٸزدەپ تاۋىپ العان. "التىنشى كلاستىڭ ايسۇلتان دەگەن بالاسى ەپكەمنٸڭ اتىنان نەگە ولاي جازاسىڭ دەپ تيٸستٸ" دەيدٸ. ايسۇلتان مەن نۇرسايات ەرەگەسٸپ قالعان. ايسۇلتان مۇعالٸم ماماسىنا ايتىپ بارعان. سوسىن نۇرسايات ايتادى "گٷلزات اپاي مەنٸ بٶلمەگە كٸرگٸزٸپ, نۇقىپ ۇردى" دەيدٸ. پسيحولوگ رەتٸندە ايتارىم, بالادا ٷلكەن ٷرەي بار. ونىمەن قويماي بالانى پوليتسيياعا اپارىپ جاتىر. ارى قاراي جاعدايى نە بولادى سوندا?" - دەيدٸ شالقار اۋداندىق ەمحاناسىنىڭ پسيحولوگى ٷمٸت ەلەكباەۆا.
ال مۇعالٸمدەر قىزمەت ەتەتٸن قاراتوعاي اۋىلدىق مەكتەبٸنٸڭ ديرەكتورى ەبدٸعالي قايۋپوۆتىڭ ايتۋىنشا, اۋداندىق اۋرۋحانا پسيحولوگى دا, بالانىڭ ەكەسٸ دە ٶتٸرٸك ايتىپ, جالا جاۋىپ وتىر.
"5-سىنىپ وقيتىن نۇرسايات ەسٸمدٸ بالا گٷلزات سٷلەيمەنوۆا دەگەن مۇعالٸمنٸڭ وقۋشى قىزىنىڭ اتىنان جٸگٸتكە "سٷيٸسەسٸڭ بە" دەپ جازعان, ودان دا باسقا دٶرەكٸ سٶزدەر جازعان. وقۋشى قىزدىڭ ٸنٸسٸ ايسۇلتان نۇرساياتقا "نەگە سەن مەنٸڭ ەپكەم بولىپ جازاسىڭ" دەپ ۇستاسىپ قالعان. مۇعالٸمدەر ولاردى اراشالاعان. بالانىڭ ەكەسٸ دەۋٸرباي مۇعالٸمدەرگە جالا جاۋىپ وتىر. گٷلزات سٷلەيمەنوۆانىڭ 10 جىلدىق, ال تەربيە مەڭگەرۋشٸسٸ مەيرامگٷل ەلەۋكەنوۆانىڭ 32 جىلدىق تەجٸريبەسٸ بار. مۇنداي كەلەڭسٸزدٸكتٸ ولار جاسامايدى. بالاعا ٶز ەركٸمەن تٷسٸنٸك جازدىرعان. اۋرۋحانانىڭ پسيحولوگتارى ٶتٸرٸك ايتىپ وتىر. وقۋشى سمس جازعانىمەن قويماي مۇعالٸمدٸ بوقتاعان. كابينەتكە ەكٸ جاقتىڭ اتا-اناسىن شاقىرىپ, سٶيلەسكەنٸمٸزدە وقۋشى شەشەسٸنەن بوقتاپ تۇر", - دەيدٸ قاراتوعاي اۋىلدىق ورتا مەكتەبٸ ەبدٸعالي قايۋپوۆ.
نۇرسايات اتىنان جازعان 10-شى سىنىپتىڭ وقۋشى قىزى دا, ايسۇلتان دا مەكتەپ مۇعالٸمٸ گٷلزات سٷلەيمەنوۆانىڭ بالاسى. ال بالانى ۇردى دەگەن كٷدٸككە ٸلٸنگەن پەداگوگ گٷلزات سٷلەيمەنوۆا اۋداندىق بٸلٸم بٶلٸمٸنٸڭ باسشىسى قازيز جۇماحانوۆتىڭ ەيەلٸ. بۇل جاعداي تۋرالى قازيز جۇماحانوۆتىڭ ٶزٸنەن دە سۇراپ كٶردٸك.
"ول جاعداي بويىنشا كوممەنتاريي بەرمەيمٸن. مەكتەپتە بولعان مۇعالٸمدەر بەرسٸن. مەنٸڭ قىزىمنىڭ اتىنان اۋزىنا كەلگەنٸن جازعان. سوندا وقۋشى سولاي جازا بەرۋٸ كەرەك پە? مەن ول سٶزدەردٸ وقي المايمىن. قۇقىق قورعاۋ ورگاندارى بۇل مەسەلەنٸ شەشسٸن", - دەيدٸ اۋداندىق بٸلٸم بٶلٸمٸنٸڭ باسشىسى قازيز جۇماحانوۆ.
بٸلٸم بٶلٸمٸنٸڭ باسشىسىنان 10 جاستاعى بالا جازعان حابارلامانى سۇراپ كٶرٸپ ەدٸك, ول كٶرسەتۋدەن باس تارتتى. قازٸرگٸ كٷنٸ مۇعالٸمدەر بالا بوقتادى دەپ كۋەگەر جيناپ, قولحات جازدىرىپ الىپ جاتقان كٶرٸنەدٸ. ال اۋداندىق دەرٸگەرلەر بالانىڭ ەكەسٸنە وبلىستىق اۋرۋحاناعا جولداما بەرگەن. مەكتەپ ديرەكتورى بولسا, دەۋٸرباي مىرزاعارىدان "ارىز جازعان مۇعالٸمنەن كەشٸرٸم سۇراۋدى" تالاپ ەتٸپ وتىر. قاراتوعايداعى مۇعالٸمدەر مەن 5-شٸ سىنىپ وقۋشىسى اراسىنداعى جانجال بٸتكەن جوق.
