فوتو: اشىق دەرەككٶز
2025 جىلى اقتٶبە وبلىسىندا 99 جاسٶسپٸرٸم قىزدىڭ جٷكتٸ بولعانى انىقتالدى. ولاردىڭ باسىم بٶلٸگٸ 17–18 جاستا بولسا, اراسىندا جاسى كٸشٸ مەكتەپ وقۋشىلارى دا بار. بۇل تۋرالى ٶڭٸرلٸك دەرٸگەرلەر مەلٸمدەدٸ, دەپ حابارلايدى Ult.kz «دياپازونعا»سٸلتەمە جاساپ.
بالالار گينەكولوگى سالتانات تۋبۋلباەۆانىڭ ايتۋىنشا, كٶپ جاعدايدا اتا-انالار قىزدارىنىڭ جٷكتٸ ەكەنٸن تىم كەش بايقايدى. جاسٶسپٸرٸمدەر كەڭ كيٸم كيەدٸ, ال جٷرەك اينۋ مەن قۇسۋ سيياقتى بەلگٸلەر كٶبٸنە باسقا اۋرۋمەن شاتاستىرىلادى. سونىڭ سالدارىنان قىزداردىڭ كٶبٸ دەرٸگەرگە جٷكتٸلٸكتٸڭ 20–21 اپتاسىندا عانا كەلەدٸ.
ماماننىڭ سٶزٸنشە, جاسٶسپٸرٸمدەردٸڭ 98 پايىزى بوسانعان. كەي جاعدايدا جٷكتٸلٸكتٸ ٷزۋگە مەديتسينالىق نەمەسە ەلەۋمەتتٸك سەبەپتەرمەن عانا رۇقسات بەرٸلەدٸ. ەگەر مەرزٸمٸ 21 اپتادان اسىپ كەتسە, جٷكتٸلٸكتٸ توقتاتۋ مٷمكٸن ەمەس.
دەرٸگەردٸڭ ايتۋىنشا, جاس ورگانيزم ٷشٸن جٷكتٸلٸك ٷلكەن قاۋٸپ تۋدىرادى. سوندىقتان ەر جاعدايدى اكۋشەر-گينەكولوگتار, گەنەتيك, پسيحولوگ جەنە باسقا دا مامانداردان تۇراتىن ارنايى كوميسسييا قارايدى.
مامانداردىڭ مەلٸمەتٸنشە, بىلتىر جٷكتٸ بولعان ەڭ جاس قىز – 14 جاستا. جاسٶسپٸرٸمدەردٸڭ باسىم بٶلٸگٸ كوللەدج ستۋدەنتتەرٸ, ال مۇنداي جاعدايلار اۋدانداردا سيرەك تٸركەلەدٸ. كٶپ جاعدايدا قىزداردىڭ انالارى دەكرەتتٸك دەمالىس الىپ, جاڭا تۋعان سەبيگە ٶزدەرٸ قارايدى, ال قىزدار وقۋىن جالعاستىرادى.
سونىمەن قاتار كەيبٸر جاسٶسپٸرٸمدەردٸڭ جٷكتٸلٸگٸ زورلىق-زومبىلىقتىڭ سالدارىنان بولعانى دا ايتىلدى. دەرٸگەردٸڭ ايتۋىنشا, مۇنداي جاعدايلاردا زورلىق كٶرسەتكەندەر كٶبٸنە قىزدارعا ەڭ جاقىن ادامدار بولىپ شىعادى.
