Foto: ashyq derekkóz
2025 jyly Aqtóbe oblysynda 99 jasóspirim qyzdyń júkti bolǵany anyqtaldy. Olardyń basym bóligi 17–18 jasta bolsa, arasynda jasy kishi mektep oqýshylary da bar. Bul týraly óńirlik dárigerler málimdedi, dep habarlaidy Ult.kz «Diapazonǵa»silteme jasap.
Balalar ginekology Saltanat Týbýlbaevanyń aitýynsha, kóp jaǵdaida ata-analar qyzdarynyń júkti ekenin tym kesh baiqaidy. Jasóspirimder keń kiim kiedi, al júrek ainý men qusý siiaqty belgiler kóbine basqa aýrýmen shatastyrylady. Sonyń saldarynan qyzdardyń kóbi dárigerge júktiliktiń 20–21 aptasynda ǵana keledi.
Mamannyń sózinshe, jasóspirimderdiń 98 paiyzy bosanǵan. Kei jaǵdaida júktilikti úzýge meditsinalyq nemese áleýmettik sebeptermen ǵana ruqsat beriledi. Eger merzimi 21 aptadan asyp ketse, júktilikti toqtatý múmkin emes.
Dárigerdiń aitýynsha, jas organizm úshin júktilik úlken qaýip týdyrady. Sondyqtan ár jaǵdaidy akýsher-ginekologtar, genetik, psiholog jáne basqa da mamandardan turatyn arnaiy komissiia qaraidy.
Mamandardyń málimetinshe, byltyr júkti bolǵan eń jas qyz – 14 jasta. Jasóspirimderdiń basym bóligi kolledj stýdentteri, al mundai jaǵdailar aýdandarda sirek tirkeledi. Kóp jaǵdaida qyzdardyń analary dekrettik demalys alyp, jańa týǵan sábige ózderi qaraidy, al qyzdar oqýyn jalǵastyrady.
Sonymen qatar keibir jasóspirimderdiń júktiligi zorlyq-zombylyqtyń saldarynan bolǵany da aityldy. Dárigerdiń aitýynsha, mundai jaǵdailarda zorlyq kórsetkender kóbine qyzdarǵa eń jaqyn adamdar bolyp shyǵady.
