اقتٶبەدە كوروناۆيرۋس ينفەكتسيياسىن جۇقتىرعان 1 210 ادام اۋرۋحانادا جاتىر. ونىڭ 900-دەن استامى اقتٶبە قالاسىندا, دەپ حابارلايدى "ۇلت اقپارات".
بٸر تەۋلٸكتە تاعى 336 ادامنان كوروناۆيرۋس ينفەكتسيياسى انىقتالدى. كٶبٸ اقتٶبە قالاسىنان. سونىمەن بٸرگە مۇعالجار, العا اۋداردارىندا دا وننان استام ادام اۋىرىپ, دەرٸگەر كٶمەگٸنە جٷگٸنگەن. اۋرۋشاڭدىقتىڭ ٶسۋ دەڭگەيٸ 1,5 % استى.
«وبلىستىق كلينيكالىق ينفەكتسييالىق اۋرۋحانادا 155, اقتٶبە مەديتسينا ورتالىعىندا 79, اقتٶبە وبلىستىق فتيزيوپۋلمونولوگييالىق ورتالىقتا 446, تەمٸرجول اۋرۋحاناسىندا 206 ناۋقاس بار. اۋدانداردا 315 ادام ەم قابىلداپ جاتىر. ەسٸرەسە قوبدا, حرومتاۋ, العا, بايعانين, مۇعالجاردا كٶپ. ناۋقاستاردىڭ 105-ٸ جانساقتاۋ بٶلٸمٸنە جاتقىزىلعان. سونىمەن بٸرگە 417 بالاعا دا كوروناۆيرۋس ينفەكتسيياسى دياگنوزى قويىلدى. ونىڭ 17-ٸ اۋرۋحاناعا جاتتى. ال 174 جٷكتٸ ەيەلدٸڭ 95-ٸ اۋرۋحانادا. ينفەكتسييالىق كەرەۋەت جٷكتەمەسٸ 65,8 % قۇراپ وتىر», - دەدٸ وبلىستىق دەنساۋلىق ساقتاۋ باسقارماسى بٶلٸمٸنٸڭ باس مامانى ەسييا تٸرٸجانوۆا. اقتٶبە وبلىسىندا 32 ادام كوروناۆيرۋس ينفەكتسيياسىن قايتا جۇقتىرعان. ولار جازىلعان سوڭ وڭالتۋ شاراسىنا قاتىسادى.
«ۆاكتسينا قابىلداعانداردىڭ 483-ٸ ۆيرۋس جۇقتىرىپ, اۋىرىپ قالدى. ال ۆاكتسينانىڭ ەكٸ كومپونەنتٸن سالدىرعان 4 ادام تامىز ايىندا كٶز جۇمدى»,- دەدٸ ەسييا تٸرٸجانوۆا.
ايتا كەتەيٸك, 259 مىڭعا جۋىق ادام ۆاكتسينانىڭ ٸ كومپونەنتٸن, ال 195 مىڭعا جۋىعى ٸٸ دوزاسىن دا سالدىردى. قازٸرگٸ كەزدە ۆيرۋس جۇقتىرىپ, پتر سىناماسى وڭ مەن كٶرسەتكەن ناۋقاستاردىڭ 72 پايىزى جازىلدى. دەگەنمەن ٷي كارانتينٸندەگٸ ادام سانى كٷن ساناپ ارتىپ بارادى. بٷگٸندە ولاردىڭ سانى 9 مىڭنان استى.
