اقتٶبەدە كارانتين شەكتەۋ شاراسى جەڭٸلدەدٸ. 1-5 سىنىپ وقۋشىلارى دەستٷرلٸ وقۋ فورماتىنا كٶشتٸ, دەپ حابارلايدى "ۇلت اقپارات".
اقتٶبە وبلىستىق باس سانيتارييا دەرٸگەرٸ جاڭا قاۋلى شىعاردى.
بٷگٸننەن باستاپ ٶڭٸردەگٸ كارانتيندٸك شەكتەۋ شاراسى تاعى جەڭٸلدەدٸ.
قوعامدىق تاماقتانۋ ورىندارىندا ادام سانى سىيىمدىلىقتان 30 پايىزعا اسپاۋى تيٸس.
ياعني, مۇنداعى ادام 50-دەن جوعارى بولماۋى كەرەك.
سونىمەن بٸرگە, دٸني نىساندار قىزمەتٸن جانداندىردى. مۇندا دا 30% تالاپ ساقتالادى.
جالپى بٸلٸم بەرەتٸن مەكتەپتەردەگٸ 1-5 سىنىپتاردا 25, حالىقارالىق مەكتەپتەردەگٸ 1- 7 سىنىپتاردا 25 وقۋشىدان اسپايتىن ارالاس وقىتۋعا رۇقسات بەرٸلدٸ.
«بٸلٸم مەكەمەسٸ ەكٸمشٸلٸگٸنٸڭ شەشٸمٸ بويىنشا ساباقتان تىس ۋاقىتتا جەكە وقىتۋعا رۇقسات. تەك توپتاردا ادام سانى 15-تەن اسپاۋى تيٸس. سونىمەن بٸرگە بيليارد كلۋبتارىنىڭ جۇمىسىنا رۇقسات بەرٸلدٸ. بالالاردىڭ ويىن-ساۋىق ورتالىقتارى دا (جابىق ورىندارداعى اتتراكتسيوندار, ويىن الاڭدارى) جۇمىستى قايتا جانداندىرىرادى. تەك مۇنداعى ادام سانى 50-دەن اسپاۋى تيٸس» دەلٸنگەن وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ حابارلاماسىندا.
