اقتٶبە قالاسىنىڭ ەكٸمٸ قىزمەتٸ 1,5 ميلليون دوللارعا ۇسىنىلعان. ۇلتتىق قاۋٸپسٸزدٸك كوميتەتٸ قىزمەتكەرلەرٸ بۇل تۋرالى دەرەكتٸ فيلمدە ايتتى, - دەپ حابارلايدى Massaget.kz.
"ادامدار ەشتەڭەدەن قورىقپاي, ٶزدەرٸن جوعارى لاۋازىمدى شەنەۋنٸكتەردٸڭ كٶمەكشٸسٸ رەتٸندە تانىسقان. وسىلايشا, ولار ساياسي لاۋازىمدارعا تاعايىنداۋ ٷشٸن اقشا تالاپ ەتەدٸ. مىسالى, بيىل اقتٶبە قالاسىنىڭ ەكٸمٸ قىزمەتٸ بٸر جارىم ميلليون دوللارعا ۇسىنىلعان. ولار العاشقى بٶلٸگٸن, ياعني 30 ميلليون تەڭگەنٸ بەرۋ كەزٸندە ۇستالدى", - دەلٸنگەن فيلمدە.
13 شٸلدەدە ۇلتتىق قاۋٸپسٸزدٸك كوميتەتٸنە 30 جىل تولدى. پرەزيدەنتتٸڭ تەلەراديوكەشەنٸ ۇقك قىزمەتٸنە ارنالعان جاڭا دەرەكتٸ فيلمدٸ ۇسىندى.
فيلم كەيٸپكەرلەرٸ - ۇلتتىق قاۋٸپسٸزدٸك كوميتەتٸ بٶلٸمشەلەرٸنٸڭ قىزمەتكەرلەرٸ. ولار قىزمەتتەرٸنٸڭ ەرەكشەلٸكتەرٸ تۋرالى ەڭگٸمەلەيدٸ. فيلمدە ەڭ الدىمەن مەملەكەت قاۋٸپسٸزدٸگٸنە تٶنگەن قاتەردٸڭ الدىن الۋعا باعىتتالعان ۇقك جۇمىسىنا ەرەكشە كٶڭٸل بٶلٸنگەن.
