Aqtóbe qalasynyń ákimi qyzmeti 1,5 million dollarǵa usynylǵan. Ulttyq qaýipsizdik komiteti qyzmetkerleri bul týraly derekti filmde aitty, - dep habarlaidy Massaget.kz.
"Adamdar eshteńeden qoryqpai, ózderin joǵary laýazymdy sheneýnikterdiń kómekshisi retinde tanysqan. Osylaisha, olar saiasi laýazymdarǵa taǵaiyndaý úshin aqsha talap etedi. Mysaly, biyl Aqtóbe qalasynyń ákimi qyzmeti bir jarym million dollarǵa usynylǵan. Olar alǵashqy bóligin, iaǵni 30 million teńgeni berý kezinde ustaldy", - delingen filmde.
13 shildede Ulttyq qaýipsizdik komitetine 30 jyl toldy. Prezidenttiń teleradiokesheni UQK qyzmetine arnalǵan jańa derekti filmdi usyndy.
Film keiipkerleri - Ulttyq qaýipsizdik komiteti bólimsheleriniń qyzmetkerleri. Olar qyzmetteriniń erekshelikteri týraly áńgimeleidi. Filmde eń aldymen memleket qaýipsizdigine tóngen qaterdiń aldyn alýǵa baǵyttalǵan UQK jumysyna erekshe kóńil bólingen.
