تانىمال كينو جەنە تەاتر اكتەرٸ ازامات ساتىبالدى تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىنىڭ رەكتورى بولىپ تاعايىندالدى. بۇل تۋرالى قازاقستان ۇلتتىق مۋزەيٸنٸڭ ديرەكتورى ارىستانبەك مۇحامەديۇلى جەلٸدەگٸ پاراقشاسىندا حابارلادى.
"قۇرمەتتٸ دوستار, تانىمال كينو جەنە تەاتر اكتەرٸ, تەلەجٷرگٸزۋشٸ, قازاقستاننىڭ ەڭبەك سٸڭٸرگەن قايراتكەرٸ ازامات ساتىبالدىنى ت.ق. جٷرگەنوۆ اتىنداعى قازاق ۇلتتىق ٶنەر اكادەميياسىنىڭ رەكتورى بولىپ تاعايىندالۋىمەن شىن جٷرەكتەن قۇتتىقتايمىن!
ٶنەر ادامىنىڭ تاعدىرى ەرەكشە! قالىڭ كٶرەرمەن قاۋىم ازاماتتى تەاتر جەنە كينو ٶنەرٸنٸڭ دامۋىنا ٶلشەۋسٸز ٷلەس قوسىپ جٷرگەن دارىنى ەرەكشە ٶنەر يەسٸ رەتٸندە تانيدى.
ستيۆەن كينگتٸڭ «تابىستى ادام مەن تالانتتى ادامنىڭ جالعىز ايىرماشىلىعى – ەرٸنبەي ەڭبەك ەتۋٸندە» دەگەن كەرەمەت سٶزٸ بار. بٸلٸكتٸلٸگٸ مەن بٸلٸمٸن, ٸسكەرلٸگٸ مەن جٸگەرٸن ورايلى ۇشتاستىرا بٸلگەن ازاماتتىڭ قازاق ٶنەرٸنٸڭ بولاشاقتاعى بەت-بەينەسٸن قالىپتاستىراتىن ناعىز كەسٸبي ماماندار دايىنداۋ باعىتىندا بارلىق قارىم-قابٸلەتٸن جۇمسايتىنىنا سەنٸمٸم مول.
ازامات ساتىبالدىۇلىن جاۋاپتى قىزمەتكە تاعايىندالۋىمەن قۇتتىقتاي وتىرىپ, الداعى قىزمەتٸنە سəتتٸلٸك جەنە تابىس تٸلەيمٸن!", - دەپ جازدى مۇحامەديۇلى.
ايتا كەتەيٸك, ول بۇعان دەيٸن عابيت مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترىنىڭ ديرەكتورى بولدى.
ازامات ساتىبالدى 1977 جىلى جامبىل وبلىسىنىڭ رىسقۇلوۆ اۋدانىندا دٷنيەگە كەلگەن. كٶپبالالى وتباسىندا تۋعان. ٷيدەگٸ توعىز بالانىڭ كەنجەسٸ. 1997 جىلى تەمٸربەك جٷرگەنوۆ اتىنداعى ٶنەر اكادەميياسىنا وقۋعا قابىلداندى. 2000 جىلى ديپلومدىق جۇمىسىن قورعاۋعا قوستاناي وبلىستىق دراما تەاترىنا جٸبەرٸلدٸ.
2001 جىلى ديپلومىن الىپ, مۇحتار ەۋەزوۆ اتىنداعى مەملەكەتتٸك اكادەمييالىق دراما تەاترىنا جۇمىسقا ورنالاستى.
"اعايىندى", "جەرۇيىق", "عاشىق جٷرەك-2", "سىنىپتاستار", قارا شاڭىراق", "رەكەتير-2", "ٷيگە اپارار جول", "جۇلدىزدار توعىسقاندا" جەنە تاعى باسقا كٶپتەگەن فيلمگە تٷستٸ.
