جانۋار اقتاۋداعى كٶپ پەتەرلٸ تۇرعىن ٷيدٸڭ كٸرەبەرٸسٸندە تابىلدى, دەپ حابارلايدى "ۇلت اقپارات" Lada.kz سايتىنا سٸلتەمە جاساپ.
جابايى تٷلكٸنٸ 6 ناۋرىزدا تاڭعى 6-دا 36 شاعىن اۋدانداعى «ساندىقتاس» تۇرعىن ٷيٸنٸڭ تۇرعىندارى بايقاعان. ونىڭ كٸرەبەرٸسكە قالاي كٸرگەندٸگٸ بەلگٸسٸز.
ۆيدەودا جابايى اڭنىڭ شىعارعا جول تابۋ ماقساتىمەن قابىرعالارعا ٶرمەلەپ جاتقاندىعى كٶرٸنەدٸ. ۆيدەوجازبانىڭ اۆتورلارى تٷلكٸنٸ دالاعا شىعارىپ جٸبەردٸ.
بۇل جاعداي تۋرالى «ەكو ماڭعىستاۋ» ٷكٸمەتتٸك ەمەس ۇيىمىنىڭ باسشىسى كيريلل وسين ٶز پٸكٸرٸن بٸلدٸردٸ.
«تٷلكٸنٸ بٸرەۋدٸڭ ٷيٸندە ۇستاۋى, ونىڭ قاشىپ شىعۋى نەمەسە ارنايى جٸبەرٸلۋٸ مٷمكٸن ەمەس. ەگەر بۇل شەتكٸ تۇرعىن ٷي بولسا, ونىڭ تٷزدەن ازىق ٸزدەپ كەلۋٸ ىقتيمال», - دەگەن ويدا كيريلل وسين.
