اقتاۋدا «Lada Largus» جٷرگٸزۋشٸسٸ جول اپاتىنان وقيعا ورنىندا كٶز جۇمدى, دەپ حابارلايدى "ۇلت اقپارات".
ماڭعىستاۋ وبلىستىق اۋرۋحاناسىنىڭ باسپاسٶز قىزمەتٸنٸڭ حابارلاۋىنشا, 2002 جىلى تۋعان «Lada Largus» جٷرگٸزۋشٸسٸ اپات ورنىندا قايتىس بولدى. زارداپ شەككەن بٸر جولاۋشى اۋرۋحاناعا جەتكٸزٸلگەن.
«اۋرۋحاناعا 2002 جىلى تۋعان جاس جٸگٸتتٸڭ مەيٸتٸ جەتكٸزٸلدٸ. سونداي-اق اپاتتان زارداپ شەككەن قىز بالا دا اۋرۋحاناعا جەتكٸزٸلدٸ. دەرٸگەرلەر وعان مەديتسينالىق كٶمەك كٶرسەتتٸ. الداعى ۋاقىتتا امبۋلاتورييالىق ەم الۋى كەرەك» دەلٸنگەن وبلىستىق اۋرۋحانانىڭ باسپاسٶز قىزمەتٸ تاراتقان باسپاسٶز حابارلاماسىندا.
جول-كٶلٸك وقيعاسى 20 شٸلدە كٷنٸ ساعات 23:30 شاماسىندا اقتاۋدىڭ 7 شاعىن اۋدانىندا بولعان. جولدا «Toyota» جەنە «LADA Largus» ماركالى كٶلٸك سوقتىعىسقان. سالدارىنان «Toyota» كٶلٸگٸ اۋدارىلىپ قالعان.
