اقتاۋدا جارىق شامىنىڭ باعانىنان توق سوعىپ, 8 جاسار بالا كٶز جۇمدى (ۆيدەو)

اقتاۋ قالاسىندا 8 جاسار بالا توققا سوعىلىپ مەرت بولدى. بۇل تۋرالى ماڭعىستاۋ وبلىستىق پوليتسييا دەپارتامەنتٸ حابارلادى, دەپ جازادى Lada.kz سايتى.

قايعىلى وقيعا 23 ماۋسىم كٷنٸ ساعات 22:00-دەر شاماسىندا №7 مەكتەپ-ليتسەيٸ مەن «تولقىن» بازارىنىڭ ماڭىندا بولعان. 

«وقۋ ورنىنىڭ قورشاۋىنىڭ ماڭىنا جارىق شامى ورناتىلعان. كۋەگەرلەردٸڭ ايتۋىنشا, بالا وسى شامنىڭ باعانىن ۇستاعان كەزدە ونى توق ۇرعان. وقيعانىڭ ناقتى قالاي بولعانىن انىقتاۋ ٷشٸن وقيعا ورنىندا جەدەل تەرگەۋ توبى جۇمىس ٸستەپ جاتىر», - دەپ حابارلادى ماڭعىستاۋ وبلىستىق پوليتسييا دەپارتامەنتٸنەن.