Aqtaýda jaryq shamynyń baǵanynan toq soǵyp, 8 jasar bala kóz jumdy (Video)

Aqtaý qalasynda 8 jasar bala toqqa soǵylyp mert boldy. Bul týraly Mańǵystaý oblystyq Politsiia departamenti habarlady, dep jazady Lada.kz saity.

Qaiǵyly oqiǵa 23 maýsym kúni saǵat 22:00-der shamasynda №7 mektep-litseii men «Tolqyn» bazarynyń mańynda bolǵan. 

«Oqý ornynyń qorshaýynyń mańyna jaryq shamy ornatylǵan. Kýágerlerdiń aitýynsha, bala osy shamnyń baǵanyn ustaǵan kezde ony toq urǵan. Oqiǵanyń naqty qalai bolǵanyn anyqtaý úshin oqiǵa ornynda jedel tergeý toby jumys istep jatyr», - dep habarlady Mańǵystaý oblystyq politsiia departamentinen.