ماڭعىستاۋ وبلىسىنىڭ ەكٸمٸ سەرٸكباي ترۇموۆ ٶڭٸردە ۆاكتسينا الۋشىلاردى ىنتالاندىرۋ شارالارى قالاي ۇيىمداستىرىلىپ جاتقانى تۋرالى مەلٸمەت بەردٸ, دەپ حابارلايدى "ۇلت اقپارات".
«كوروناۆيۋرسقا قارسى ۆاكتسينالاۋ جۇمىستارى جالعاسۋدا. بٷگٸندە بٸرٸنشٸ كومپونەتپەن 57 800, ەكٸنشٸ كومپونەنتپەن 33 350 ادام ەگٸلدٸ. ونىڭ ٸشٸندە دەنساۋلىق ساقتاۋ سالاسى 99 پايىزعا, قۇقىق قورعاۋ ورگاندارىنىڭ قىزمەتكەرلەرٸ 100 پايىزعا ۆاكتسينالاندى», - دەدٸ سەرٸكباي ترۇموۆ ٷكٸمەت وتىرىسىندا.
ەكٸمنٸڭ سٶزٸنە قاراعاندا, ۆاكتسينالاۋ جۇمىستارىن ودان ەرٸ كٷشەيتۋ ٷشٸن ارنايى شتاب قۇرىلىپ, باسقا دا ساناتتار بويىنشا ناقتى جۇمىستار جٷرگٸزٸلٸپ جاتىر.
«جٷرگٸزٸلگەن جۇمىستاردىڭ نەتيجەسٸندە وسى ايدىڭ بٸرٸنشٸ ونكٷندٸگٸندە بٸرٸنشٸ كومپونەنتپەن 3454 ادام ەگٸلسە, ەكٸنشٸ ونكٷندٸكتە 5128-گە دەيٸن ٶستٸ. سوڭعى اپتادا 8 مىڭعا جۋىق ادام ەكپە الدى. بٸلٸم بەرۋ جٷيەسٸندە ۆاكتسينا العان قىزمەتكەرلەردٸڭ ٷلەسٸ 38-دەن 45 پاىزعا دەيٸن جەتكٸزٸلدٸ. جاڭا وقۋ جىلىنا دەيٸن سالانىڭ بارلىق قىزمەتكەرلەرٸ ەكپە جۇمىسىن اياقتايدى. سونىمەن بٸرگە قۇرىلىسى كومپانييالارىنىڭ قىزمەتكەرلەرٸن ۆاكتسينالاۋ كەستەسٸ بەكٸتٸلدٸ. حالىقتى ۆاكتسينالاۋ ٷشٸن جىلجىمالى بريگادالاردىڭ جۇمىسى جەنە اۋىلدى جەرلەردە ٷيلەردٸ ارالاۋ ارقىلى اقپاراتتىق تٷسٸندٸرۋ جۇمىستارى كٷشەيتٸلدٸ», - دەدٸ وبلىس باسشىسى.
تٷسٸندٸرۋ جۇمىستارىنان بٶلەك, اپتا سايىن تٷرلٸ باعالى زاتتار ۇتىسقا تٸگٸلۋدە. اراسىندا تٸپتٸ پەتەر دە بار.
«حالىقتى ۆاكتسينا الۋعا ىنتالاندىرۋ ٷشٸن ٶڭٸردە 22 ماۋسىمنان باستاپ باستى جٷلدە - اقتاۋ قالاسىنداعى ەكٸ بٶلمەلٸ پەتەرگە ۇتىس ويىنى جارييالاندى. ۆاكتسينا الۋشىلار قارقىنىن ارتتىرۋ ٷشٸن اپتا سايىن تۇرمىستىق تەحنيكا, سمارتفوندار, توڭازىتقىشتار, تەلەديدار سيياقتى باعالى سىيلىقتار ويناتىلىپ تۇرادى. جەڭٸمپازدار ارنايى قۇرىلعان سايت ارقىلى تٸكەلە ەفيردە انىقتالادى», - دەدٸ ماڭعىستاۋ وبلىسىنىڭ ەكٸمٸ.
