Mańǵystaý oblysynyń ákimi Serikbai Trumov óńirde vaktsina alýshylardy yntalandyrý sharalary qalai uiymdastyrylyp jatqany týraly málimet berdi, dep habarlaidy "Ult aqparat".
«Koronaviýrsqa qarsy vaktsinalaý jumystary jalǵasýda. Búginde birinshi komponetpen 57 800, ekinshi komponentpen 33 350 adam egildi. Onyń ishinde densaýlyq saqtaý salasy 99 paiyzǵa, quqyq qorǵaý organdarynyń qyzmetkerleri 100 paiyzǵa vaktsinalandy», - dedi Serikbai Trumov Úkimet otyrysynda.
Ákimniń sózine qaraǵanda, vaktsinalaý jumystaryn odan ári kúsheitý úshin arnaiy shtab qurylyp, basqa da sanattar boiynsha naqty jumystar júrgizilip jatyr.
«Júrgizilgen jumystardyń nátijesinde osy aidyń birinshi onkúndiginde birinshi komponentpen 3454 adam egilse, ekinshi onkúndikte 5128-ge deiin ósti. Sońǵy aptada 8 myńǵa jýyq adam ekpe aldy. Bilim berý júiesinde vaktsina alǵan qyzmetkerlerdiń úlesi 38-den 45 payzǵa deiin jetkizildi. Jańa oqý jylyna deiin salanyń barlyq qyzmetkerleri ekpe jumysyn aiaqtaidy. Sonymen birge qurylysy kompaniialarynyń qyzmetkerlerin vaktsinalaý kestesi bekitildi. Halyqty vaktsinalaý úshin jyljymaly brigadalardyń jumysy jáne aýyldy jerlerde úilerdi aralaý arqyly aqparattyq túsindirý jumystary kúsheitildi», - dedi oblys basshysy.
Túsindirý jumystarynan bólek, apta saiyn túrli baǵaly zattar utysqa tigilýde. Arasynda tipti páter de bar.
«Halyqty vaktsina alýǵa yntalandyrý úshin óńirde 22 maýsymnan bastap basty júlde - Aqtaý qalasyndaǵy eki bólmeli páterge utys oiyny jariialandy. Vaktsina alýshylar qarqynyn arttyrý úshin apta saiyn turmystyq tehnika, smartfondar, tońazytqyshtar, teledidar siiaqty baǵaly syilyqtar oinatylyp turady. Jeńimpazdar arnaiy qurylǵan sait arqyly tikele efirde anyqtalady», - dedi Mańǵystaý oblysynyń ákimi.
