اقتاۋ قالاسىندا جومارت جاندار 6 بالالى وتباسىعا جاڭا سالىنعان ٷيدەن ەكٸ بٶلمەلٸ پەتەردٸڭ كٸلتٸن تابىس ەتتٸ, دەپ حابارلايدى قازاقپارات تٸلشٸسٸ.
كٶپبالالى وتباسى وسىعان دەيٸن شاھار ٸرگەسٸندەگٸ يەسٸز جاتقان ٶندٸرٸستٸك ايماقتاعى تەمٸر ۆاگوندى پانالاپ كەلگەن. مۇنداي سىيلىقتى كٷتپەگەن «كٷمٸس القا» يەگەرٸ ناعيما كٶپجاساروۆانىڭ قۋانىشىندا شەك جوق. ونىڭ 2 بالاسى مەن جولداسى - بٸرٸنشٸ توپتاعى مٷگەدەك.
«ەندٸ ولاردىڭ جىلى دا جايلى ٷيدە تۇرۋىنا مٷمكٸندٸك تۋدى», - دەيدٸ كٶپبالالى انا ناعيما كٶپجاساروۆا.
قونىس تويىن تويلاۋعا يگٸلٸكتٸ ٸسكە ۇيىتقى بولعان جەرگٸلٸكتٸ بيلٸك پەن «اقجٷنٸس» انالار قوعامىنىڭ ٶكٸلدەرٸ دە كەلدٸ. ايتا كەتەيٸك, 30-شاعىناۋدانداعى پەتەر «K7 Grouر» قۇرىلىس كومپانيياسىنىڭ دەمەۋشٸلٸگٸمەن بەرٸلگەن.
«بٷگٸن - ەڭ قۋانىشتى كٷن. بۇل وتباسىمىز ٷشٸن كەرەمەت جاڭالىق بولدى. ەلٸ دە تولقىپ تۇرمىن. قىزدارىم قاتتى قۋانىپ جاتىر. مۇنداي پەتەرگە قول جەتكٸزەمٸن دەپ ەشقاشان ويلاعان ەمەسپٸن. قۋانىشتىمىن, قولداۋ كٶرسەتكەن جاندارعا اللا رازى بولسىن», - دەيدٸ قۋانىشىن جاسىرا الماعان ناعيما كٶپجاساروۆا.
«قولدان كەلسە, ادامگەرشٸلٸك جاساپ, كٶمەك كٶرسەتكەنگە نە جەتسٸن. ٶز اتىمنان, «اقجٷنٸس» انالار قوعامىنىڭ اتىنان ٷلكەن العىسىمدى ايتامىن. ناعيما كٶپجاساروۆا وسى ٷيدە بالا-شاعاسىمەن, وتاعاسىمەن باقىتتى ٶمٸر سٷرەتٸنٸنە سەنەمٸز. وتاعاسى سەرٸك اعامىز قولى التىن شەبەر ەكەن. اعاشتان ەرتٷرلٸ بۇيىمدار جاسايدى. بٸز ول كٸسٸنٸ اقتاۋ قالاسى بويىنشا «بيزنەس 3 كٷندە» جوباسىنا تارتۋدى ويلاپ وتىرمىز. سول ارقىلى ول كٸسٸنٸڭ كەسٸبٸن دامىتۋعا قول ۇشىن بەرگٸمٸز كەلەدٸ», - دەيدٸ «اقجٷنٸس» انالار قوعامىنىڭ وبلىستاعى جەتەكشٸسٸ انار شامشادينوۆا.
