اقتاۋداعى وقيعا. ۆيدەودان كادر: instagram.com/cenzura_aktau
اقتاۋدا مەكتەپ وقۋشىلارى تٶبەلەستٸ. وقيعا ورنىندا تٷسٸرٸلگەن ۆيدەولار جەلٸدە تارادى. ماڭعىستاۋ وبلىستىق پوليتسييا دەپارتامەنتٸ وقيعاعا قاتىستى پٸكٸر بٸلدٸردٸ, دەپ حابارلايدى Ult.kz KAZ.NUR.KZ-كە سٸلتەمە جاساپ.
جەلٸدە وقۋشىلار توبى تٷسكەن كادرلار جارييالاندى, ولاردىڭ قاتارىندا ۇلدار دا, قىز بالالار دا بار. ۆيدەودان جاعدايعا قاتىستى ويىن ايتىپ, سٶز اراسىندا بەيەدەپ سٶيلەگەن وقيعا كۋەگەرلەرٸنٸڭ داۋىسىن ەستۋگە بولادى.
ماڭعىستاۋ وبلىستىق پوليتسييا دەپارتامەنتٸ NUR.KZ تٸلشٸسٸنە وقيعانىڭ بەينەجازباسى ەلەۋمەتتٸك جەلٸگە مونيتورينگ جٷرگٸزۋ كەزٸندە انىقتالعانىن ايتتى.
2026 جىلدىڭ 4 ناۋرىزىندا شامامەن ساعات 13:20-دا اقتاۋداعى مەكتەپتەردٸڭ بٸرٸنٸڭ جانىندا كەمەلەتكە تولماعان وقۋشىلار اراسىندا جانجال تۋىنداپ, ونىڭ ارتى تٶبەلەسكە ۇلاسقانى انىقتالدى.
"تەكسەرٸس بارىسىندا مەكتەپتٸڭ 10 جاستاعى وقۋشىسى تٶبەلەسكە قاتىسقانى انىقتالدى. ونىڭ زاڭدى ٶكٸلٸنە قاتىستى ەكٸمشٸلٸك قۇقىق بۇزۋشىلىق تۋرالى كودەكستٸڭ 127-بابىنىڭ 1-بٶلٸگٸ بويىنشا ەكٸمشٸلٸك حاتتاما تولتىرىلدى.
بۇل وقيعاعا قاتىستى ەشقانداي مەلٸمدەمە نەمەسە شاعىمدار تٷسكەن جوق, ەشكٸم مەديتسينالىق كٶمەككە جٷگٸنگەن جوق. قازٸرگٸ ۋاقىتتا باسقا كەمەلەتكە تولماعانداردى انىقتاۋ جۇمىستارى جٷرگٸزٸلۋدە", - دەدٸ دەپارتامەنتتٸڭ باسپاسٶز قىزمەتٸ ٶكٸلدەرٸ.
