Aqtaýdaǵy oqiǵa. Videodan kadr: instagram.com/cenzura_aktau
Aqtaýda mektep oqýshylary tóbelesti. Oqiǵa ornynda túsirilgen videolar jelide tarady. Mańǵystaý oblystyq politsiia departamenti oqiǵaǵa qatysty pikir bildirdi, dep habarlaidy Ult.kz KAZ.NUR.KZ-ke silteme jasap.
Jelide oqýshylar toby túsken kadrlar jariialandy, olardyń qatarynda uldar da, qyz balalar da bar. Videodan jaǵdaiǵa qatysty oiyn aityp, sóz arasynda beiádep sóilegen oqiǵa kýágerleriniń daýysyn estýge bolady.
Mańǵystaý oblystyq politsiia departamenti NUR.KZ tilshisine oqiǵanyń beinejazbasy áleýmettik jelige monitoring júrgizý kezinde anyqtalǵanyn aitty.
2026 jyldyń 4 naýryzynda shamamen saǵat 13:20-da Aqtaýdaǵy mektepterdiń biriniń janynda kámeletke tolmaǵan oqýshylar arasynda janjal týyndap, onyń arty tóbeleske ulasqany anyqtaldy.
"Tekseris barysynda mekteptiń 10 jastaǵy oqýshysy tóbeleske qatysqany anyqtaldy. Onyń zańdy ókiline qatysty Ákimshilik quqyq buzýshylyq týraly kodekstiń 127-babynyń 1-bóligi boiynsha ákimshilik hattama toltyryldy.
Bul oqiǵaǵa qatysty eshqandai málimdeme nemese shaǵymdar túsken joq, eshkim meditsinalyq kómekke júgingen joq. Qazirgi ýaqytta basqa kámeletke tolmaǵandardy anyqtaý jumystary júrgizilýde", - dedi departamenttiń baspasóz qyzmeti ókilderi.
