بٷگٸن اقتاۋداعى 30 شاعىناۋدان 169 تۇرعىن ٷيدەگٸ جاعدايعا بايلانىستى قالا ەكٸمٸنٸڭ ورىنباسارى س.گۋسماننىڭ تٶراعالىعىمەن تٶتەنشە جاعدايلاردى جويۋ جەنە الدىن الۋ ماقساتىندا تيٸستٸ ماماندارمەن جەنە تۇرعىندارمەن بٸرٸككەن كوميسسييا وتىرىسى ٶتتٸ, دەپ حابارلايدى "ۇلت اقپارات".
بۇعان دەيٸن اقتاۋدا كٶپ قاباتتى عيماراتتىڭ قاسبەتٸ قۇلاپ, گاز قۇبىرى بٷلٸنگەنٸن جازعان بولاتىنبىز.
اقتاۋ قالاسى ەكٸمٸنٸڭ باسپاسٶز قىزمەتٸنٸڭ حابارلاۋىنشا, قولدانىسقا بەرٸلگەنٸنە 10 جىلدان اسقان تۇرعىن ٷيدٸڭ سىرتقى قاپتاماسىنىڭ قۇلاۋى تٶتەنشە جاعدايلار مينيسترلٸگٸنٸڭ داعدارىس جاعدايلارىندا تٸركەلۋگە جاتاتىن تابيعي جەنە تەحنوگەندٸك سيپاتتاعى تٶتەنشە جاعدايلار تۋرالى اقپارات كريتەرييلەرٸنە سەيكەس تەحنوگەندٸ سيپاتتاعى تٶتەنشە جاعداي دەپ تانىلدى.
س.گۋسمان تيٸستٸ بٶلٸمدەرگە جوبالىق سمەتالىق قۇجاتتاما جاساقتاپ, بٷگٸننەن باستاپ تۇرعىن ٷيدٸ قايتا قالپىنا كەلتٸرۋ جۇمىستارىن باستاۋدى تاپسىردى.
اتالعان جۇمىستارمەن «وڭداسىن ستروي» جشس اينالىسىپ, قارجى قالا ەكٸمدٸگٸنٸڭ بيۋدجەتٸنەن قاراستىرىلادى.
سونىمەن قاتار, قالاداعى جاڭادان تۇرعىزىلاتىن تۇرعىن ٷيلەردٸڭ قۇرىلىسىنا جاۋاپتى مەردٸگەر كومپانييانىڭ كەپٸلدٸك مەرزٸمٸن ۇزارتۋ بويىنشا ۇسىنىس ايتىلىپ, وسى بويىنشا قۇرىلىس بٶلٸمٸنە شەشٸم شىعارۋ تاپسىرىلدى.
