Búgin Aqtaýdaǵy 30 shaǵynaýdan 169 turǵyn úidegi jaǵdaiǵa bailanysty qala ákiminiń orynbasary S.Gýsmannyń tóraǵalyǵymen tótenshe jaǵdailardy joiý jáne aldyn alý maqsatynda tiisti mamandarmen jáne turǵyndarmen birikken komissiia otyrysy ótti, dep habarlaidy "Ult aqparat".
Buǵan deiin Aqtaýda kóp qabatty ǵimarattyń qasbeti qulap, gaz qubyry búlingenin jazǵan bolatynbyz.
Aqtaý qalasy ákiminiń baspasóz qyzmetiniń habarlaýynsha, qoldanysqa berilgenine 10 jyldan asqan turǵyn úidiń syrtqy qaptamasynyń qulaýy Tótenshe jaǵdailar Ministrliginiń daǵdarys jaǵdailarynda tirkelýge jatatyn tabiǵi jáne tehnogendik sipattaǵy tótenshe jaǵdailar týraly aqparat kriteriilerine sáikes tehnogendi sipattaǵy tótenshe jaǵdai dep tanyldy.
S.Gýsman tiisti bólimderge jobalyq smetalyq qujattama jasaqtap, búginnen bastap turǵyn úidi qaita qalpyna keltirý jumystaryn bastaýdy tapsyrdy.
Atalǵan jumystarmen «Ońdasyn Stroi» JShS ainalysyp, qarjy qala ákimdiginiń biýdjetinen qarastyrylady.
Sonymen qatar, qaladaǵy jańadan turǵyzylatyn turǵyn úilerdiń qurylysyna jaýapty merdiger kompaniianyń kepildik merzimin uzartý boiynsha usynys aitylyp, osy boiynsha qurylys bólimine sheshim shyǵarý tapsyryldy.
