بٸرنەشە كٷن بۇرىن وسى تۇرعىن ٷي قاسبەتٸنٸڭ بٸرشاما بٶلٸگٸ سىپىرىلىپ تٷسكەن بولاتىن. قاۋٸپتٸ قاپتامانىڭ قۇلاۋى تاعى دا جالعاسىپ, تۇرعىنداردى ٷرەي قۇشاعىندا قالدىردى, دەپ حابارلايدى Sputnik ٶڭٸرلٸك "لادا" سايتىنا سٸلتەمە جاساپ.
العاشقى قۇلاۋدان كەيٸن قالا ەكٸمدٸگٸ تاراپىنان قاپتامانىڭ قالعان بٶلٸگٸ الىناتىنى ايتىلعانىمەن, ەلٸ ەشقانداي اۋقىمدى ەرەكەت جاسالماعان. دەگەنمەن, گاز قۇبىرى جەدەل قالپىنا كەلتٸرٸلٸپ, 25 مامىردا ٸسكە قوسىلعان ەدٸ.
الايدا, قاتتى جەل سالدارىنان عيماراتتىڭ قاسبەتٸ كەشە تاعى قۇلاعان. نەتيجەسٸندە گاز قۇبىرىنا تاعى دا زاقىم كەلدٸ. ەرينە, مۇنداي جاعدايدان سوڭ گاز بەرۋ توقتاتىلاتىنى سٶزسٸز.
بٷگٸن, 26 مامىردا شەنەۋنٸكتەر ٷي تۇرعىندارىمەن كەزدەسۋ ٶتكٸزدٸ.
ەكٸمدٸك ٶكٸلدەرٸنٸڭ ايتۋىنشا, تۇرعىن ٷي 2011 جىلى مەملەكەتتٸك باعدارلاما اياسىندا سالىنىپ, پايدالانۋعا بەرٸلگەن.
