Birneshe kún buryn osy turǵyn úi qasbetiniń birshama bóligi sypyrylyp túsken bolatyn. Qaýipti qaptamanyń qulaýy taǵy da jalǵasyp, turǵyndardy úrei qushaǵynda qaldyrdy, dep habarlaidy Sputnik óńirlik "Lada" saityna silteme jasap.
Alǵashqy qulaýdan keiin qala ákimdigi tarapynan qaptamanyń qalǵan bóligi alynatyny aitylǵanymen, áli eshqandai aýqymdy áreket jasalmaǵan. Degenmen, gaz qubyry jedel qalpyna keltirilip, 25 mamyrda iske qosylǵan edi.
Alaida, qatty jel saldarynan ǵimarattyń qasbeti keshe taǵy qulaǵan. Nátijesinde gaz qubyryna taǵy da zaqym keldi. Árine, mundai jaǵdaidan soń gaz berý toqtatylatyny sózsiz.
Búgin, 26 mamyrda sheneýnikter úi turǵyndarymen kezdesý ótkizdi.
Ákimdik ókilderiniń aitýynsha, turǵyn úi 2011 jyly memlekettik baǵdarlama aiasynda salynyp, paidalanýǵa berilgen.
