ماڭعىستاۋدا مونيتورينگ توبىنىڭ ٶكٸلدەرٸ تٷنگٸ كلۋبتىڭ ەسٸگٸن بۇزىپ كٸردٸ, دەپ حابارلايدى "ۇلت اقپارات".
ماڭعىستاۋ وبلىسىنداعى ەپيدەميولوگييالىق جاعدايدىڭ كٷرت ناشارلاۋىنا بايلانىستى 30 شٸلدە مەن 2 تامىز ارالىعىندا ايماقتاعى مونيتورينگ توپتارى كٷشەيتٸلگەن رەجيمدە جۇمىس ٸستەدٸ.
تٷنگٸ رەيد بارىسىندا بٷگٸنگە دەيٸن بٸرنەشە رەت ماڭعىستاۋ وبلىسىنىڭ باس مەملەكەتتٸك سانيتارييالىق دەرٸگەرٸنٸڭ قاۋلىسىن ٶرەسكەل بۇزعان «ن2و» تٷنگٸ كلۋبى تەكسەرٸلدٸ.
وسى كٷنگە دەيٸن اتالعان ورىن تاراپىنان بٸرنەشە مەرتە زاڭ بۇزۋشىلىقتار ورىن العان بولاتىن.
مونيتورينگ توبىنىڭ مٷشەسٸ انار شامشادينوۆانىڭ ايتۋىنشا, وسى كلۋبتا كونتسەرتتىڭ ٶتەتٸندٸگٸ جٶنٸندە افيشا تاراپ, ۆاتساپ جەلٸسٸ ارقىلى كلۋب ٸشٸندەگٸ ۆيدەولار كەلگەن.
ولار عيماراتقا بارعان كەزدە دالادا قاتتى مۋزىكانىڭ داۋىسى ەستٸلٸپ تۇرعان.
الايدا, كٷزەتشٸلەر مونيتورينگ توپ مٷشەلەرٸن ٸشكە كٸرگٸزبەي 3 ساعات دالادا كٷتۋگە مەجبٷر بولعان.
«31 شٸلدە كٷنٸ مونيتورينگ توبىمەن بٸرگە «ن2و» تٷنگٸ كلۋبىنا باردىق. سول كەزدە ەسٸگٸ تارس جابىق تۇردى. ٸشتە قاتتى ويناعان مۋزىكانىڭ داۋىسى ەستٸلدٸ. قولمەن ۇستاعاندا ەسٸك دٸرٸلدەپ, ٸشتەگٸ جايدان حابار بەرٸپ تۇردى. ەڭ ٶكٸنٸشتٸسٸ, كلۋب قىزمەتكەرلەرٸ مونيتورينگ توپ مٷشەلەرٸن كٶرە تۇرا, ەشقانداي جاۋاپ بەرمەي, ەلەمەۋٸ - ۇيات نەرسە. ەڭ سوڭىندا قۇزىرلى ورگان ٶكٸلدەرٸ كەلٸپ, قۇلىپتى بۇزۋعا تۋرا كەلدٸ. سەبەبٸ, مونيتورينگ توپ مٷشەلەرٸنە ٸشتە كٶڭٸل كٶتەرەتٸن شارالاردىڭ ٶتٸپ جاتقانى تۋرالى حابارلامالار كەلٸپ جاتتى. الايدا ٸشكە كٸرگەنٸمٸزدە ادامداردى كٶرە الامادىق. ولار بٸز سىرتتا تۇرعان ۋاقىتتىڭ ٸشٸندە ادامداردى جاسىرىپ, باسقا ەسٸكتەر ارقىلى قاشىرىپ جٸبەرگەن. بٸز «ەسٸكتٸ نەگە اشپادىڭىزدار?» دەپ سۇراعاندا «ەستٸمەدٸك» دەپ جاۋاپ بەردٸ. بٸز 5 مينۋت ەسٸك قاعىپ, اشپاعاننان كەيٸن عانا قۇلىپتى بۇزعان جوقپىز. 3 ساعات ەسٸك الدىندا تۇرعاننان كەيٸن ەسٸكتٸ بۇزۋعا تۋرا كەلدٸ», - دەدٸ انار شامشادينوۆا.
ايتا كەتەيٸك, مونيتورينگ توپتارى سوڭعى 3 تەۋلٸكتە وبلىس بويىنشا 256 نىسانعا رەيد جاسادى.
نەتيجەسٸندە كارانتين تالاپتارىن ساقتاماعان 57 كەسٸپكەرگە ەكٸمشٸلٸك حاتتاما تولتىرىلدى.
ونىڭ ٸشٸندە 47 كەسٸپكەرلٸك نىسان اقتاۋ قالاسىنىڭ اۋماعىندا ورنالاسقان.
ايتا كەتەيٸك, كارانتين تالاپتارىن بۇزعاندارعا ەكٸمشٸلٸك قۇقىق بۇزۋ كودەكسٸنٸڭ 425 بابى بويىنشا جەكە تۇلعاعا 40 اەك كٶلەمٸندە ايىپپۇل سالۋ قاراستىرىلعان.
