پوليتسەيلەر اقتاۋدا 6 جاسار قىزدىڭ زورلانۋى دەرەگٸ بويىنشا سوتقا دەيٸنگٸ تەرگەۋدٸ باستادى, - دەپ حابارلايدى kaz.tengrinews.kz تٸلشٸسٸ ماڭعىستاۋ وبلىستىق ٸٸد باسپاسٶز قىزمەتٸنٸڭ ٶكٸلدەرٸنە سٸلتەمە جاساپ.
وسى دەرەك بويىنشا "زورلاۋ" بابىمەن (قر قك-نىڭ 120-بابى) سوتقا دەيٸنگٸ تەرگەۋ باستالدى. قىزمەتكەرلەر بارلىق قاجەتتٸ تەرگەۋ شارالارىن جٷرگٸزٸپ جاتىر, ساراپتامالار تاعايىندالعان. ٸٸد ٶكٸلدەرٸنٸڭ مەلٸمەتٸنشە, وقيعانىڭ مەن-جايى تەرگەۋ مٷددەسٸنە بايلانىستى جارييا ەتٸلمەيدٸ ەكەن.
ەسكە سالايىق, وقيعا 20 تامىزدا اقتاۋ قالاسىندا بولعان. تٷسكە دەيٸنگٸ ۋاقىتتا ەجەسٸ 6 جاسار نەمەرەسٸمەن №1 ىقشاماۋدانداعى جۇمىسىنا كەلگەن. نەمەرەسٸنە قاراۋعا ۋاقىتى بولماعان ەجەسٸ بالاسىنا تەلەفون سوعىپ, قىزىن الىپ كەتۋٸن سۇراپتى. بٸرشاما ۋاقىت ٶتكەننەن كەيٸن ەيەل ٶز نەمەرەسٸنٸڭ جوق ەكەنٸن بايقايدى. باستاپقىدا ول نەمەرەسٸن ەكەسٸ الىپ كەتتٸ ەكەن دەپ ويلايدى. الايدا تەلەفون سوعىپ, قىزدىڭ ەكەسٸنٸڭ كەلمەگەنٸن بٸلگەن ول نەمەرەسٸن ٶزٸ ٸزدەي باستايدى.
جوعالعان قىزدىڭ تۋىستارى ونى باستاپقىدا ٶزدەرٸ ٸزدەگەن. ارادا 2,5 ساعات ٶتكەننەن كەيٸن ولار پوليتسيياعا حابار بەرگەن. جوعالعان قىزدى ٸزدەستٸرۋگە ماڭعىستاۋ وبلىستىق ٸشكٸ ٸستەر دەپارتامەنتٸنٸڭ جەكە قۇرامى تٷگەلدەي جۇمىلعان.
پوليتسيياداعىلار باسىلىم تٸلشٸلەرٸنە قىزدىڭ سول كٷنٸ 17.30 شاماسىندا تابىلعانىن حابارلاپتى. قىزدىڭ جاعدايى اۋىر بولعان, كٶپ قان جوعالتقان, كٷن ٶتٸپ كەتكەن. تەرتٸپ ساقشىلارى ونى "نۇر پلازا" جاعالاۋىنا قاراما-قارسى ساياجايدان تاپقان. قىز بالالار اۋرۋحاناسىنىڭ جانساقتاۋ بٶلٸمٸنە جاتقىزىلدى. وسى ۋاقىتتا پوليتسەيلەر بٸرنەشە كٷدٸكتٸنٸ ٸزٸن سۋىتپاي ۇستاعان. پوليتسييانىڭ مەلٸمەتٸنشە, قازٸرگٸ ۋاقىتتا ۇستالعانداردىڭ بۇل قىلمىسقا قاتىسى بار-جوعىن انىقتاۋ ٷشٸن سوت-مەديتسينالىق ساراپتاما جٷرگٸزٸلٸپ جاتىر.
