Politseiler Aqtaýda 6 jasar qyzdyń zorlanýy deregi boiynsha sotqa deiingi tergeýdi bastady, - dep habarlaidy kaz.tengrinews.kz tilshisi Mańǵystaý oblystyq IID baspasóz qyzmetiniń ókilderine silteme jasap.
Osy derek boiynsha "Zorlaý" babymen (QR QK-nyń 120-baby) sotqa deiingi tergeý bastaldy. Qyzmetkerler barlyq qajetti tergeý sharalaryn júrgizip jatyr, saraptamalar taǵaiyndalǵan. IID ókilderiniń málimetinshe, oqiǵanyń mán-jaiy tergeý múddesine bailanysty jariia etilmeidi eken.
Eske salaiyq, oqiǵa 20 tamyzda Aqtaý qalasynda bolǵan. Túske deiingi ýaqytta ájesi 6 jasar nemeresimen №1 yqshamaýdandaǵy jumysyna kelgen. Nemeresine qaraýǵa ýaqyty bolmaǵan ájesi balasyna telefon soǵyp, qyzyn alyp ketýin surapty. Birshama ýaqyt ótkennen keiin áiel óz nemeresiniń joq ekenin baiqaidy. Bastapqyda ol nemeresin ákesi alyp ketti eken dep oilaidy. Alaida telefon soǵyp, qyzdyń ákesiniń kelmegenin bilgen ol nemeresin ózi izdei bastaidy.
Joǵalǵan qyzdyń týystary ony bastapqyda ózderi izdegen. Arada 2,5 saǵat ótkennen keiin olar politsiiaǵa habar bergen. Joǵalǵan qyzdy izdestirýge Mańǵystaý oblystyq ishki ister departamentiniń jeke quramy túgeldei jumylǵan.
Politsiiadaǵylar basylym tilshilerine qyzdyń sol kúni 17.30 shamasynda tabylǵanyn habarlapty. Qyzdyń jaǵdaiy aýyr bolǵan, kóp qan joǵaltqan, kún ótip ketken. Tártip saqshylary ony "Nur Plaza" jaǵalaýyna qarama-qarsy saiajaidan tapqan. Qyz balalar aýrýhanasynyń jansaqtaý bólimine jatqyzyldy. Osy ýaqytta politseiler birneshe kúdiktini izin sýytpai ustaǵan. Politsiianyń málimetinshe, qazirgi ýaqytta ustalǵandardyń bul qylmysqa qatysy bar-joǵyn anyqtaý úshin sot-meditsinalyq saraptama júrgizilip jatyr.
