فوتو: Air Astana تەلەگرام كانالى
اقتاۋ قالاسىنىڭ ماڭىندا "باكۋ-گروزنىي" باعىتىنداعى ۇشاق اپاتقا ۇشىرادى. كٶلٸك مينيسترلٸگٸ اقتاۋداعى ۇشاق اپاتىنا قاتىستى مەلٸمدەمە جاسادى, دەپ حابارلايدى Ult.kz.
بۇل ۇشاق Azerbaijan Airlines اۆياكومپانيياسىنا تيەسٸلٸ. ارنايى تەرگەۋ جٷرگٸزٸلەدٸ.
قازاقستاننىڭ تٶتەنشە جاعدايلار مينيسترلٸگٸنٸڭ مەلٸمەتٸنشە, ۇشاق اپاتىنان امان قالعاندار بار.
"اقتاۋداعى ۇشاق قۇلاعان جەرگە قازاقستاننىڭ تٶتەنشە جاعدايلار مينيسترلٸگٸنٸڭ جەكە قۇرامىنان 52 ادام مەن 11 بٸرلٸك تەحنيكا جەتتٸ. جەتكەن كەزدە ۇشاقتىڭ ٶرتەنٸپ جاتقانى انىقتالدى. قۇتقارۋ بٶلٸمشەلەرٸ ٶرتتٸ سٶندٸرۋگە كٸرٸستٸ. قازٸرگٸ ۋاقىتتا زارداپ شەككەندەر تۋرالى اقپارات انىقتالۋدا, تٸرٸ قالعاندار بار دەگەن بولجام بار", - دەپ حابارلادى ۆەدومستۆوداعىلار.
Azerbaijan Airlines-تٸڭ باكۋ-گروزنىي باعىتىندا ۇشىپ كەلە جاتقان AHY8243 نٶمٸرلٸ ۇشاق قۇلادى. Baza ايتۋىنشا, اپاتقا ۇشىراعان ۇشاقتىڭ بورتىندا 67 جولاۋشى مەن بەس ەكيپاج مٷشەسٸ بولعان.
