Foto: Air Astana telegram kanaly
Aqtaý qalasynyń mańynda "Baký-Groznyi" baǵytyndaǵy ushaq apatqa ushyrady. Kólik ministrligi Aqtaýdaǵy ushaq apatyna qatysty málimdeme jasady, dep habarlaidy Ult.kz.
Bul ushaq Azerbaijan Airlines aviakompaniiasyna tiesili. Arnaiy tergeý júrgiziledi.
Qazaqstannyń tótenshe jaǵdailar ministrliginiń málimetinshe, ushaq apatynan aman qalǵandar bar.
"Aqtaýdaǵy ushaq qulaǵan jerge Qazaqstannyń tótenshe jaǵdailar ministrliginiń jeke quramynan 52 adam men 11 birlik tehnika jetti. Jetken kezde ushaqtyń órtenip jatqany anyqtaldy. Qutqarý bólimsheleri órtti sóndirýge kiristi. Qazirgi ýaqytta zardap shekkender týraly aqparat anyqtalýda, tiri qalǵandar bar degen boljam bar", - dep habarlady vedomstvodaǵylar.
Azerbaijan Airlines-tiń Baký-Groznyi baǵytynda ushyp kele jatqan AHY8243 nómirli ushaq qulady. Baza aitýynsha, apatqa ushyraǵan ushaqtyń bortynda 67 jolaýshy men bes ekipaj múshesi bolǵan.
