قۇتقارۋشى ارىستانبەك ماشراپ قايتىس بولعاننان كەيٸن ٸٸٸ دەرەجەلٸ «ايبىن» وردەنٸمەن ماراپاتتالدى, دەپ حابارلايدى "ۇلت اقپارات".
مەملەكەت باسشىسى قاسىم-جومارت توقاەۆتىڭ جارلىعىمەن پاۆلودار وبلىسى تجد ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ № 12 ٶرت سٶندٸرۋ بەكەتٸ بٶلٸمشەسٸنٸڭ كومانديرٸ ارىستانبەك ماشراپ قايتىس بولعاننان كەيٸن ٸٸٸ دەرەجەلٸ «ايبىن» وردەنٸ مەملەكەتتٸك ناگراداسىمەن ماراپاتتالدى.
وردەندٸ تٶتەنشە جاعدايلار مينيسترٸ يۋريي يلين ٶرت سٶندٸرۋشٸنٸڭ ەكەسٸ قابزولدين دۋلات ماشراپۇلىنا تاپسىردى.
ەسكە سالا كەتەيٸك, قايعىلى جاعداي 2021 جىلدىڭ 25 اقپانىندا پاۆلودار وبلىسىنىڭ اقسۋ قالاسىندا بولعان. ارىستانبەك ماشراپ تۇرعىن ٷيدە شىققان ٶرتتٸ سٶندٸرۋ كەزٸندە جان تاپسىرعان.
ازاماتتىق قورعاۋ سەرجانتى ارىستانبەك ماشراپ 2018 جىلدان باستاپ ازاماتتىق قورعاۋ ورگاندارىندا قىزمەت ەتتٸ.
تٶتەنشە جاعدايلار مينيسترٸ يۋريي يلين ارىستانبەكتٸڭ مەزگٸلسٸز قايتىس بولۋىنا بايلانىستى ەكەسٸنە كٶڭٸل ايتتى.
ادامداردى قۇتقارۋ ٷشٸن ٶز ٶمٸرٸن قيعان تج قىزمەتكەرلەرٸنٸڭ ەرلٸگٸ سانامىزدان ەشقاشان ٶشپەيدٸ. 1991-2021 جىلدار ارالىعىندا قىزمەتتٸك بورىشىن اتقارۋ كەزٸندە ازاماتتىق قورعاۋ ورگاندارىنىڭ 53 قىزمەتكەرٸ قازا بولدى.
