اقش-تىڭ قازاقستانداعى ەلشٸسٸ ۋيليام موزەر "سپۋتنيك V" ۆاكتسيناسى دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) ماقۇلداۋىنا يە بولادى دەگەن ٷمٸتٸن بٸلدٸردٸ, - دەپ حابارلايدى Tengrinews.kz اگەنتتٸگٸ.
ديپلوماتپەن ٶتكەن باسپاسٶز كونفەرەنتسيياسىندا جۋرناليستەر بۇقارالىق اقپارات قۇرالدارىندا اقش "سپۋتنيك V" ۆاكتسيناسىن العان شەتەلدٸكتەرگە ەلگە كٸرۋگە تىيىم سالۋى مٷمكٸن ەكەندٸگٸ تۋرالى اقپارات پايدا بولعانى ايتىلدى. "مەن ۆيزا العاندارمەن, ەندٸ العىسى كەلەتٸندەر نە ٸستەۋ كەرەكتٸگٸن بٸلگٸم كەلەدٸ. مۇنداي جاعدايدا قالاي رەسمي ٷكٸمەتتٸك دەلەگاتسييالارعا مٷشە بولۋعا بولادى?" - دەپ سۇرادى باق ٶكٸلدەرٸ ەلشٸدەن.
"مەن رەسمي تٷردە مەملەكەتتٸك دەپارتامەنتتەن نۇسقاۋلار العانىمدى ايتا الامىن. نۇسقاۋدا بۇل تۋرالى تٷسٸنٸكتەمە بەرمەگەن دۇرىس دەيدٸ. بۇل ساياساتقا قاتىستى شەشٸمدەر ۆاشينگتوندا ەلٸ قابىلدانبادى. مەن "سپۋتنيك V" دٷنيەجٷزٸلٸك دەنساۋلىق ساقتاۋ ۇيىمىنىڭ رۇقساتىن الادى دەپ ٷمٸتتەنەمٸن", - دەدٸ ەلشٸ.
