اقش-تىڭ باس پروكۋرورى ۋيليام بارر فەدەرالدى پروكۋرور دجون دارەم جۇمىسىنىڭ قورىتىندىسى بويىنشا بۇرىنعى پرەزيدەنت باراك وباما مەن بۇرىنعى ۆيتسە-پرەزيدەنت دجو بايدەنگە قارسى قىلمىستىق ٸس قوزعالارىنا كٷمەن كەلتٸردٸ.
دارەم تەرگەۋٸ ٶتكەن جىلى باس پروكۋرور ۋيليام باردىڭ تاپسىرماسى بويىنشا باستالعان. باس پروكۋرور "دونالد ترامپتىڭ سايلاۋ الدى شتابى ادامدارىنىڭ رەسەيمەن بايلانىسى بولدى ما" دەگەن مەسەلەنٸ تەرگەۋدٸ باستاۋدىڭ زاڭدى نەگٸزٸ بولعانىنا كٶز جەتكٸزۋگە شەشٸم قابىلداعان.
دٷيسەنبٸدە بارر پروكۋرور دارەمنٸڭ نازارىندا بۇرىنعى پرەزيدەنت پەن ۆيتسە-پرەزيدەنت ەمەس, "رەسەي ٸزٸن" تەكسەرۋ بارىسىندا زاڭسىز ەرەكەت جاساۋى مٷمكٸن "ٶزگە" رەسمي تۇلعالار تۇرعانىن مەلٸمدەگەن.
سوڭعى اپتادا پرەزيدەنت ترامپ "وباماگەيت" دەپ اتايتىن, "اقش تاريحىنداعى اسا ٸرٸ ساياسي قىلمىس" دەپ سانايتىن "جانجال" تۋرالى بٸرنەشە رەت ەسكە سالعان.
Reuters اگەنتتٸگٸ ترامپ ساياسي قارسىلاستارىن قىلمىس جاسادى دەپ ايىپتاعانىمەن ناقتى مىسال كەلتٸرمەيتٸنٸن ايتادى.
ترامپ اقش-تىڭ باس پروكۋرورى ۋيليام بارر وبامانىڭ ەرەكەتٸن تەرگەۋدەن باس تارتقانىنا تاڭعالاتىنىن بٸلدٸرگەن.
اقش-تا كوروناۆيرۋس ٸندەتٸنەن ٶلگەندەردٸڭ كٷرت كٶبەيۋٸنە بايلانىستى پرەزيدەنت ەكٸمشٸلٸگٸنە ايتىلاتىن سىن قاتايعان سايىن ترامپ تا قارسىلاستارىن كٸنەلاۋدى كٷشەيتە تٷسكەن. ترامپ ٸندەت قاۋپٸ جايلى ساراپشىلار ەسكەرتۋٸن "ويدان شىعارىلعان" دەپ اتاعاننان كەيٸنگٸ بٸرنەشە ايدا كوروناۆيرۋس ينفەكتسيياسى سالدارىنان اقش-تا 88 مىڭ ادام ٶلگەن.
Reuters اگەنتتٸگٸ پرەزيدەنت سايلاۋىندا دجو بايدەنمەن بەسەكە كٷشەيەتٸن كٷن جاقىنداعاي باستاعاندا, ترامپتىڭ دەموكراتتاردى سىناۋى ٷدەي تٷستٸ دەپ اتاپ ٶتكەن.
باس پروكۋرور بارر ەكٸ كانديداتتىڭ سايلاۋ الدىنداعى كٷرەسٸ ساياسي دەبات اۋقىمىندا ٶتۋٸ تيٸس دەپ ەسكەرتتٸ. باس پروكۋروردىڭ سٶزٸنشە, كانديداتتاردىڭ ساياسي ەرەكەتتەرٸنە بايلانىستى كەز كەلگەن تەرگەۋ ۋيليام باردىڭ كەلٸسٸمٸمەن عانا باستالۋى مٷمكٸن.
