لاس-ۆەگاستا اۋىر اتلەتيكادان جاسٶسپٸرٸمدەر اراسىنداعى ەلەم چەمپيوناتىندا قازاقستاندىق كوماندا بەس التىن مەدال ۇتىپ الدى, - دەپ حابارلايدى Tengrinews.kz تٸلشٸسٸ اۋىر اتلەتيكا فەدەراتسيياسىنىڭ باسپاسٶز قىزمەتٸنە سٸلتەمە جاساپ.
قازاقستان قۇراماسىنىڭ تاعى ەكٸ سپورتشىسى كوماندا قورجىنىنا التىن جٷلدە الىپ كەلدٸ. 81 كەلٸگە دەيٸنگٸ سالماقتا ولگا پاستۋحوۆا ەكٸ جاتتىعۋ قورىتىندىسى بويىنشا 215 (جۇلقا كٶتەرۋدە - 92, سەرپە كٶتەرۋدە - 123) كەلٸنٸ باعىندىرىپ, ەلەم چەمپيونى اتاعىن كەزەكتٸ رەت الدى. راحات بەكبولات تا ەلەم چەمپيوناتىندا باق سىنادى. 96 كەلٸگە دەيٸنگٸ سالماقتا سىنعا تٷسكەن ول قوسسايىس نەتيجەسٸ بويىنشا 323 كەلٸنٸ (جۇلقا كٶتەرۋدە - 144, سەرپە كٶتەرۋدە - 179) كٶتەرٸپ, موينىنا التىن مەدال تاقتى.
"جاسٶسپٸرٸم سپورتشىلارىمىز وسى سايىستاردا ٶز كٷش-قۋاتتارىن كٶرسەتە الدى. ەرينە, كومانداداعى العاشقى جەڭٸستەر ولگا مەن راحاتتى ودان سايىن جٸگەرلەندٸرٸپ جٸبەردٸ. ولار سول دەڭگەيدٸ تٷسٸرمەۋ كەرەك ەكەنٸن تٷسٸندٸ. جاقسى كٶڭٸل-كٷي, تاباندى جاتتىعۋلارىمىز - وسىنىڭ بەرٸ چەمپيوناتتا التىن مەدال الىپ كەلدٸ. كوماندامىزداعى ەڭ جاس سپورتشى راحات بەكبولات ٷشٸن بۇل دەبيۋت بولعان, ول بٸزدٸ نەتيجەسٸمەن قۋانتا الدى", - دەدٸ جاستار قۇراماسىنىڭ باس باپكەرٸ باقىت احمەتوۆ.
جالپى ەسەپتە قازاقستان بەس مەدال ەنشٸلەپ, سەنٸمدٸ جەڭٸسكە جەتتٸ.
جالپى ەسەپ: 1. قازاقستان - 5-0-0; 2. ٶزبەكستان - 2-3-1; 3. ۆەتنام - 2-0-1.
بۇعان دەيٸن جاسٶسپٸرٸمدەر اراسىنداعى ەلەم چەمپيوناتىندا قازاقستاننىڭ قورجىنىنا التىندى اقمولدا سايرامكەز (61 كەلٸگە دەيٸنگٸ سالماق), سايحان تايسۋەۆ (67 كەلٸگە دەيٸنگٸ سالماق) پەن سەپي ەسەنگەلدٸ (81 كەلٸگە دەيٸنگٸ سالماق) ەكەلگەن بولاتىن.
اۋىر اتلەتيكادان لاس-ۆەگاستا ٶتٸپ جاتقان ەلەم چەمپيوناتى 15 ناۋرىزدا اياقتالادى. بۇل چەمپيوناتتا 50 ەلدەن 13-17 جاس ارالىعىنداعى ەكٸ جٷزدەن اسا سپورتشى قاتىسىپ جاتىر. قازاقستاننىڭ اتىنان بەس سپورتشى ٶنەر كٶرسەتتٸ.
