دٷيسەنبٸ كٷنٸ اقش-تىڭ يللينويس شتاتىندا بٸر موتورلى شاعىن ۇشاقتىڭ قۇلاۋى سالدارىنان تٶرت ادام قازا تاپتى, دەپ حابارلايدى ABC News.
ۇشاق جەرگٸلٸكتٸ ۋاقىت بويىنشا شامامەن كٷندٸزگٸ ساعات 3:45-تە, كارلينۆيلل قالاسىنان وڭتٷستٸككە قاراي 4,8 شاقىرىم جەردە بەلگٸسٸز جاعدايدا قۇلاعان. جەردە اپات سالدارىنان ەشكٸم زارداپ شەككەن جوق, دەپ حابارلادى جەرگٸلٸكتٸ شەريف شون كال.
KSDK.com حابارلاماسى بويىنشا, ەۋە اپاتىنان قازا تاپقان ۇشقىش پەن ٷش جولاۋشى دوس بولىپ, بٸر ۋنيۆەرسيتەتتە وقىعان. جولاۋشىلاردىڭ بٸرٸ, دانيەل شەدد, ۇشار الدىندا اتا-اناسىنا ۇشاقتان سەلفي جاساپ جٸبەرگەن.
ونىڭ ەكەسٸ چارلز شەدد ۇشقىش دجوشۋا سۆيرس ۇشاقتى تاياۋدا عانا ساتىپ العانىن, بٸراق ەۋە كەمەسٸ «تاماشا جاعدايدا» بولعانىن, بارلىق قاجەتتٸ تەكسەرٸستەن ٶتكەنٸن ايتتى.
چارلز بالاسى مەن دوستارىن ەۋەجايعا ٶزٸ شىعارىپ سالعان. شەدد بالاسىنىڭ وسىنداي شاعىن ۇشاقپەن ەشقاشان ۇشپاعانىن, بٸراق دوستارىمەن بٸرگە ۇشۋدى تاعاتسىزدانا كٷتٸپ جٷرگەنٸن ايتتى.
ەكەسٸ ارنايى قوسىمشا ارقىلى ۇشاقتىڭ ۇشۋىن باقىلاۋعا ەرەكەت جاساعان كەزدە, ودان ەشتەڭە شىقپادى, چارلزدٸڭ بالاسىنا جٸبەرگەن بارلىق حابارلامالارى وعان جەتكەن جوق. ەگدە جاستاعى ەر ادام وعان تەلەفون سوققان, الايدا جاۋاپ بولماعان. سودان ول جەرگٸلٸكتٸ پوليتسيياعا حابارلاسقان.
ۇشاقتىڭ سىنىقتارى شامامەن كٷندٸزگٸ ساعات 4:30-دا كارلينۆيلل قالاسىنا جاقىن جەردەگٸ جازىق دالادان تابىلدى. دەرٸگەرلەر وقيعا ورنىندا بارلىق تٶرت دوستىڭ ٶلٸمٸن بەلگٸلەدٸ.
