سەرسەنبٸ كٷندٸز ميلۋوكيدە «Molson Coors» سىرا قايناتۋ كومپانيياسىنىڭ قىزمەتكەرٸ جۇمىس ۋاقىتىندا بەس ەرٸپتەسٸن اتقان. بەسەۋٸ دە مەرت بولدى, دەپ حابارلايدى NBC رەسۋرسى.
ميلۋوكي پوليتسيياسىنىڭ مەلٸمەتٸنشە, كومپانييانىڭ ەكٸمشٸلٸك عيماراتىندا قاندى وقيعادان كەيٸن 51 جاستاعى ازامات ٶزٸن اتىپ ٶلتٸرگەن. اتىس كەزٸندە ول كومپانييانىڭ جۇمىس كيٸمٸندە بولعان.
ميلۋوكي پوليتسيياسىنىڭ باسشىسى الفونسو مورالەس عيماراتتان بەس قىزمەتكەردٸڭ دەنەسٸ تابىلعانىن راستادى. اتقان ازامات پەن مارقۇمداردىڭ اتى-جٶنٸ ەزٸرگە حابارلانبايدى. وقيعا سەبەپتەرٸ انىقتالمادى.
«ميلۋوكي ٷشٸن بۇل – ٶتە اۋىر كٷن, مەن قازا تاپقان كومپانييا قىزمەتكەرلەرٸنٸڭ وتباسىنا كٶڭٸل ايتامىن», - دەدٸ مورالەس جۋرناليستەرگە. ول سونداي-اق اتىس كەزٸندە عيماراتتا 1000-نان استام Molson Coors قىزمەتكەرلەرٸ بولعانىن راستادى.
وقيعادان كەيٸن جاساعان مەلٸمدەمەدە «Molson Coors Beverage Co» كومپانيياسىنىڭ اتقارۋشى ديرەكتورى گەۆين حاتتەرسلي وق اتقان ادام ميلۋوكيدەگٸ سىرا قايناتۋ زاۋىتىنىڭ قىزمەتكەرٸ ەكەنٸن اتاپ ٶتتٸ.
جەرگٸلٸكتٸ بيلٸكتٸڭ ايتۋىنشا, كەسٸپورىنداعى اتىس - 2004 جىلدان بەرگٸ مەملەكەتتەگٸ 11-شٸ جاپپاي كٸسٸ ٶلتٸرۋ قىرعىنى.
Molson 2016 جىلى تاعى بٸر MillerCoors كومپانيياسىن تولىعىمەن ساتىپ الدى جەنە 2019 جىلى كومپانييانىڭ اتى «Molson Coors Beverage Co» بولىپ ٶزگەردٸ. بۇل ٶزگەرٸس كورپوراتيۆتٸ قايتا قۇرىلىمداۋدىڭ بٶلٸگٸ بولدى, نەتيجەسٸندە جٷزدەگەن جۇمىس ورنى دەنۆەردەن ميلۋوكي قالاسىنا اۋىستىرىلدى, بۇل كومپانيياعا شىعىندى ازايتۋعا مٷمكٸندٸك بەردٸ.
سەرسەنبٸ كٷنٸ پرەزيدەنت دونالد ترامپ باسپاسٶز كونفەرەنتسيياسىن اتىس قۇرباندارى مەن ولاردىڭ وتباسىنا كٶڭٸل ايتۋدان باستادى, وق اتقان ادامدى«قاۋٸپتٸ كٸسٸ ٶلتٸرۋشٸ» دەپ اتادى.
