رەسەيلٸك فيزيك, كەسٸپكەر ۆالەنتين گاپونتسەۆ اقش-تا 83-گە قاراعان جاسىندا قايتىس بولدى, دەپ حابارلايدى ازاتتىق.
Forbes جۋرنالى ونىڭ بايلىعىن 2,8 ميلليارد دوللارعا باعالاعان.
گاپونتسەۆ ٶنەركەسٸپ لازەرٸن ٶندٸرۋمەن اينالىسقان. 2018 جىلى ول اقش قارجى مينيسترلٸگٸن سوتقا بەرٸپ, مەكەمەدەن ٶزٸن رەسەي پرەزيدەنتٸ ۆلاديمير پۋتينگە جاقىن وليگارحتار تٸزٸمٸنەن الىپ تاستاۋدى تالاپ ەتكەن.
مەسكەۋدە تۋعان گاپونتسەۆ لۆوۆ پوليتەحنيكالىق ينستيتۋتتى جەنە مەسكەۋ فيزيكا-تەحنيكالىق ينستيتۋتتىڭ اسپيرانتۋراسىن تەمامداعان. 1967 جىلدان باستاپ سسسر عىلىم اكادەميياسىنداعى راديوتەحنيكا جەنە ەلەكترونيكا ينستيتۋتىندا جۇمىس ٸستەگەن.
سوۆەت وداعى ىدىراعان سوڭ بيزنەسپەن اينالىسقان. ٶنەركەسٸپ لازەرلەرٸن ٶندٸرۋمەن, ولاردى ساتۋمەن اينالىسقان. ونىڭ IPG Photonic دەيتٸن كومپانيياسى – ەلەم بويىنشا ٶنەركەسٸپ لازەرلەرٸنٸڭ ەڭ ٸرٸ ٶندٸرۋشٸلەرٸنٸڭ بٸرٸ سانالادى. كومپانييانىڭ نارىقتاعى قۇنى 8,9 ميلليارد دوللار شاماسىندا.
2018 جىلى قاڭتاردا اقش قارجى مينيسترلٸگٸ ٶزٸنٸڭ ەسەبٸندە اقش ازاماتتىعىن الىپ ٷلگەرگەن گاپونتسەۆتٸ پۋتينگە جاقىن ادامداردىڭ تٸزٸمٸنە قوسقان. تٸزٸمگە كٸرگەننەن كەيٸن ونىڭ كومپانيياسى 3 ميلليارد دوللارعا ارزانداعان, ال ٶزٸ 3 ميلليارد دوللارعا جۋىق بايلىعىنىڭ جارتىسىنان ايرىلعان.
سول جىلى جەلتوقساندا ول سوتقا جٷگٸنٸپ, ٶزٸن تٸزٸمنەن الىپ تاستاۋدى تالاپ ەتتٸ. ادۆوكاتتارى ونى وليگارح دەپ اتاۋعا بولمايتىنىن, كەسٸبٸنٸڭ ەدەۋٸر بٶلٸگٸنٸڭ رەسەيگە قاتىسى جوق ەكەنٸن ايتقان. جارتى جىلدان كەيٸن ول قارجى مينيسترلٸگٸمەن كەلٸسٸمگە كەلٸپ, شاعىمىن كەرٸ قايتارعان. گاپونتسەۆ ٶزٸن وسى تٸزٸمنەن الدىرا العان جالعىز رەسەيلٸك سانالادى. Forbes جۋرنالىنىڭ جازۋىنشا, كەيٸنگٸ جىلدارى ول قاتەرلٸ ٸسٸك اۋرۋىنا شالدىعىپ, ەمدەلٸپ جٷرگەن.
