امەريكانىڭ حيۋستون قالاسىندا (تەحاس شتاتى) Astroworld مۋزىكالىق فەستيۆالٸندە 300-گە جۋىق ادام تاپتالىپ قالعان, سەگٸزٸ قازا تاپتى. بۇل تۋرالى قازاقپارات ۆۆس-گە سٸلتەمە جاساپ حابارلايدى.
وقيعا فەستيۆالدٸڭ العاشقى كٷنٸ – جۇما, جەرگٸلٸكتٸ ۋاقىتپەن ساعات 21:15-تە رەپەر ترەۆيس سكوتت ٶنەر كٶرسەتٸپ جاتقاندا بولدى.
سكوتت ٶنەر كٶرسەتٸپ جاتقاندا كٶرەرمەندەر ساحناعا قاراي جىلجي باستاعان. سالدارىنان ادامدار كەپتەلٸپ, دٷربەلەڭ باستالعان.
17 ادام اۋرۋحاناعا جەتكٸزٸلدٸ, ولاردىڭ 11-ٸندە جٷرەكتٸڭ توقتاۋى بولدى. كەيٸنٸرەك 8 ادامنىڭ كٶز جۇمعانى انىقتالدى. 300 ادام تٷرلٸ جاراقات العان.
Houston Chronicle گازەتٸنٸڭ جازۋىنشا, ترەۆيس سكوتت كونتسەرتتٸ بٸرنەشە رەت توقتاتىپ, كٷزەتشٸلەردەن ساحنا ماڭىنداعى كٶرەرمەندەردٸڭ اماندىعىنا كٶز جەتكٸزۋلەرٸن سۇراعان.
كونتسەرتتە بارلىعى 50 مىڭ كٶرەرمەن بولعان. ۇيىمداستىرۋشىلار جەكسەنبٸگە جوسپارلانعان كونتسەرتتٸ ٶتكٸزبەيتٸن بولدى.
