اقش-تا مايمىل شەشەگٸن جۇقتىرعانداردىڭ كٶبەيۋٸنە بايلانىستى بايدەن ەكٸمشٸلٸگٸ بٷكٸل ەلگە ۆاكتسينا تاراتۋدى باستايدى, دەپ حابارلايدى قازاقپارات تٸلشٸسٸ NBC News ارناسىنا سٸلتەمە جاساپ.
اقش دەنساۋلىق ساقتاۋ جەنە ەلەۋمەتتٸك قىزمەت كٶرسەتۋ مينيسترلٸگٸ «Jynneos» ۆاكتسيناسىنىڭ 56 مىڭ دوزاسىن ۆيرۋس جۇقتىرۋ جىلدامدىعى جوعارى ايماقتارعا جٸبەردٸ. بٸرنەشە اپتا ٸشٸندە تاعى 240 مىڭ ۆاكتسينا تاراتىلماق. كٷز سوڭىنا دەيٸن كەم دەگەندە 1,6 ملن دوزا قولجەتٸمدٸ بولادى دەپ كٷتٸلٸپ وتىر.
اقش-تىڭ اۋرۋلاردى باقىلاۋ جەنە الدىن الۋ ورتالىقتارىنىڭ سوڭعى مەلٸمەتتەرٸنە سەيكەس, ينفەكتسييا جۇقتىرۋ سانى ەڭ كٶپ ايماقتارعا كاليفورنييا, نيۋ-يورك, يللينويس, فلوريدا جەنە ۆاشينگتون قالالارى كٸرەدٸ.
اقش-تا مايمىل شەشەگٸ العاش رەت مامىر ايىندا ماسساچۋسەتس شتاتىندا انىقتالدى. سودان بەرٸ ۆيرۋس بٷكٸل ەلگە تاراپ, 28 شتاتتا 306-دان استام جۇقتىرۋ جاعدايى تٸركەلدٸ.
ازىق-تٷلٸك جەنە دەرٸ-دەرمەكتەردٸ باقىلاۋ باسقارماسى ماقۇلداعان ەكٸ دوزالى «Jynneos» ۆاكتسيناسى ينفەكتسييانىڭ الدىن الىپ قانا قويماي, جۇقتىرعان ينفەكتسييانى توقتاتادى. دوزا 28 كٷن ارالىقپەن سالىنادى.
اقش-تىڭ اۋرۋلاردى باقىلاۋ جەنە الدىن الۋ ورتالىعى 49 ەلدە كەم دەگەندە 4 700 ادامنىڭ مايمىل شەشەگٸن جۇقتىرعانى انىقتالعانىن حابارلادى.
