AQSh-ta maimyl sheshegin juqtyrǵandardyń kóbeiýine bailanysty Baiden ákimshiligi búkil elge vaktsina taratýdy bastaidy, dep habarlaidy QazAqparat tilshisi NBC News arnasyna silteme jasap.
AQSh densaýlyq saqtaý jáne áleýmettik qyzmet kórsetý ministrligi «Jynneos» vaktsinasynyń 56 myń dozasyn virýs juqtyrý jyldamdyǵy joǵary aimaqtarǵa jiberdi. Birneshe apta ishinde taǵy 240 myń vaktsina taratylmaq. Kúz sońyna deiin kem degende 1,6 mln doza qoljetimdi bolady dep kútilip otyr.
AQSh-tyń Aýrýlardy baqylaý jáne aldyn alý ortalyqtarynyń sońǵy málimetterine sáikes, infektsiia juqtyrý sany eń kóp aimaqtarǵa Kaliforniia, Niý-Iork, Illinois, Florida jáne Vashington qalalary kiredi.
AQSh-ta maimyl sheshegi alǵash ret mamyr aiynda Massachýsets shtatynda anyqtaldy. Sodan beri virýs búkil elge tarap, 28 shtatta 306-dan astam juqtyrý jaǵdaiy tirkeldi.
Azyq-túlik jáne dári-dármekterdi baqylaý basqarmasy maquldaǵan eki dozaly «Jynneos» vaktsinasy infektsiianyń aldyn alyp qana qoimai, juqtyrǵan infektsiiany toqtatady. Doza 28 kún aralyqpen salynady.
AQSh-tyń Aýrýlardy baqylaý jáne aldyn alý ortalyǵy 49 elde kem degende 4 700 adamnyń maimyl sheshegin juqtyrǵany anyqtalǵanyn habarlady.
