فوتو: Reuters
اقش-تا مىڭداعان ادام لوس-اندجەلەستٸڭ كٶشەلەرٸنە شىقتى. ولار يمميگراتسييالىق قىزمەت (ICE) جٷرگٸزگەن رەيدتەرگە جەنە پرەزيدەنتتٸڭ كاليفورنيياعا ۇلتتىق گۆاردييا ەسكەرلەرٸن ورنالاستىرۋىنا قارسى نارازىلىق بٸلدٸرۋدە, دەپ حابارلايدى Ult.kz.
جەكسەنبٸ كٷنٸ فەدەرالدىق كٷشتەر مەن نارازىلىق بٸلدٸرۋشٸلەر اراسىندا قاقتىعىستار ورىن الدى. پوليتسييا جينالعانداردى تاراتۋ ٷشٸن كٶز جاساۋراتاتىن گاز جەنە باسقا ارنايى قۇرالدار قولداندى.
مىڭداعان قالا تۇرعىندارى مەرييا, فەدەرالدىق سوت عيماراتى جەنە ۋاقىتشا ۇستاۋ ورتالىعى ماڭىندا جينالدى. بۇل جەردە بٸرنەشە كٷن بۇرىن قاماۋعا الىنعان نارازىلىق بٸلدٸرۋشٸلەر ۇستالعان بولاتىن. نارازىلىق بٸلدٸرۋشٸلەر سونداي-اق نەگٸزگٸ اۆتوجولدى جاۋىپ تاستادى, دەپ حابارلايدى The Guardian.
كٶپشٸلٸگٸ بەيبٸت ەرەكەت ەتسە دە, كٷننٸڭ بارىسىندا بٸرنەشە رەت شيەلەنٸس ورىن الدى. كٷندٸز پوليتسييا ۇستاۋ ورتالىعى ماڭىنداعى توپتاردى تاراتۋ ٷشٸن كٶز جاساۋراتاتىن گاز قولدانسا, كەشكە نارازىلاردى اۆتوجولدان كەرٸ قايتارۋ ٷشٸن جارىق-شۋ گراناتالارىن پايدالاندى. لوس-اندجەلەس پوليتسيياسىنىڭ باسشىلىعى كوممەرتسييالىق پيروتەحنيكالاردى قولدانۋ جەنە تاس لاقتىرۋ فاكتٸلەرٸن اتاپ ٶتتٸ.
پرەزيدەنت ترامپتىڭ كاليفورنييا بيلٸگٸنٸڭ كەلٸسٸمٸنسٸز ۇلتتىق گۆاردييانى ورنالاستىرۋ تۋرالى شەشٸمٸ امەريكالىق ساياسي ساحنادا ٷلكەن داۋ تۋعىزدى. گۋبەرناتور گەۆين نيۋسوم مەن باسقا دا دەموكرات-گۋبەرناتورلار بۇل قادامدى «بيلٸكتٸ تەرٸس پايدالانۋ» دەپ سىنعا الدى. نيۋسوم بۇل ەرەكەتتٸ «شتاتتىڭ ەگەمەندٸگٸن ٶرەسكەل بۇزۋ» دەپ اتاپ, ەكٸمشٸلٸكتەن بۇل شەشٸمدٸ كەرٸ قايتارۋدى تالاپ ەتتٸ:
«بۇل – شيەلەنٸستٸ ۋشىقتىرىپ, رەسۋرستاردى قاجەتسٸز جەرگە باعىتتاۋ. بۇيرىقتى جويىپ, كاليفورنييانىڭ باقىلاۋىن قالپىنا كەلتٸرٸڭٸز», – دەدٸ نيۋسوم.
ترامپ سەنبٸ كەشٸندە ەكٸ كٷنگە سوزىلعان نارازىلىق بٸلدٸرۋشٸلەر مەن اقش يمميگراتسييالىق بيلٸگٸ اراسىنداعى قاقتىعىستاردان كەيٸن ۇلتتىق گۆاردييانىڭ 2000 ەسكەري قىزمەتكەرٸن ورنالاستىرۋ تۋرالى بۇيرىق بەردٸ. بۇل شەشٸم ەل بويىنشا ٶتكەن رەيدتەردەن كەيٸن باستالعان نارازىلىقتاردىڭ اياسىندا يمميگرانتتارعا قارسى رەپرەسسييالاردىڭ اۋقىمىنىڭ كٷرت ٶسۋٸن بٸلدٸردٸ, دەپ جازادى The Guardian.
