اقش پروفەسسورى «تۋعان جەر» جوباسى اياسىندا اقتٶبەدەگٸ مەديتسينا مەكەمەسٸنە قۇنى 15 ملن بولاتىن قۇرال-جابدىقتاردى تارتۋ ەتتٸ, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
اقتٶبە وبلىسىنىڭ ەكٸمٸ بەردٸبەك ساپارباەۆ مەديتسينا قىزمەتكەرلەرٸنٸڭ «پوليتراۆما. دياگنوستيكا مەن كەشەندٸ ەمدەلۋدٸڭ زاماناۋي كونتسەپتسييالارى» تاقىرىبىنداعى حالىقارالىق كونفەرەنتسيياسىنىڭ قاتىسۋشىلارىمەن كەزدەستٸ. كونفەرەنتسيياعا اقش, وڭتٷستٸك كورەيا, گەرمانييا, رەسەي, قىتاي, تٷركييا ەلدەرٸنەن كەلگەن پروفەسسورلار, حيرۋرگ-دەرٸگەرلەر, تراۆماتولوگتار قاتىستى. شەتەلدٸك ەرٸپتەستەرٸمەن تەجٸريبە الماسۋ ٷشٸن تراۆماتولوگييا سالاسىنداعى وتاندىق ماماندار دا كەلدٸ. كونفەرەنتسييا اياسىندا اۋىر پاتولوگيياسى بار پاتسيەنتتەرگە كەڭەستەر بەرٸلٸپ, اتى ەلەمگە ەيگٸلٸ ماماندار كٶرنەكٸ وپەراتسييالار جٷرگٸزدٸ.
كەزدەسۋدٸ اشقان وبلىس باسشىسى كونفەرەنتسييا قوناقتارىنا, سونداي-اق قازاقستاننىڭ تۋماسى, سەنت-لۋيس قالاسىنداعى مەديتسينا ۋنيۆەرسيتەتٸنٸڭ ورتوپەدييا كلينيكاسىنىڭ باسشىسى - پروفەسسور جولداس قۇلجانوۆقا مەملەكەت باسشىسىنىڭ باستاماسىمەن قولعا الىنعان «تۋعان جەر» پاتريوتتىق جوباسىنا ات سالىسىپ, جەدەل مەديتسينالىق جەردەم اۋرۋحاناسىنىڭ تراۆماتولوگييا بٶلٸمٸنە 15 ميلليون تۇراتىن قۇرال-جابدىقتاردى تارتۋ ەتكەنٸ ٷشٸن العىسىن بٸلدٸردٸ.
كونفەرەنتسييا تاقىرىبىنىڭ ٶزەكتٸلٸگٸ اتالىپ ٶتتٸ, ٶيتكەنٸ پوليتراۆما كەزٸندەگٸ مەديتسينالىق كٶمەكتٸ ۇيىمداستىرۋ مەسەلەسٸن شەشۋدٸڭ ەلەۋمەتتٸك-ەكونوميكالىق ماڭىزى زور. ستاتيستيكالىق مەلٸمەتتەرگە سەيكەس, زاقىم الۋ جٷرەك-قان تامىرلارى جەنە ونكولوگييالىق اۋرۋلارمەن قاتار, قازاقستان حالقىنىڭ ٶلٸمٸنە ەكەلٸپ سوعاتىن ٷش نەگٸزگٸ سەبەپتەردٸڭ بٸرٸ بولىپ تابىلادى. ال 40 جاسقا دەيٸنگٸلەر اراسىندا بٸرٸنشٸ ورىندا. اقتٶبەدە جەنە جالپى رەسپۋبليكادا كٶپتەگەن الدىن الۋ شارالارى ٶتكٸزٸلۋدە. 2016 جىلى اقتٶبە قالاسىنداعى جەدەل مەديتسينالىق جەردەم اۋرۋحاناسى جانىنان پوليتراۆما بٶلٸمٸنٸڭ نەگٸزٸ قالاندى. وبلىستىڭ شالعاي اۋداندارىنا ساناۆياتسييا جەلٸسٸ بويىنشا جەمٸستٸ قولدانىلىپ جٷرگەن كٶمەك كٶرسەتۋدٸڭ زاماناۋي قاعيدالارى ەنگٸزٸلدٸ.
- مەديتسيناداعى جاڭا باعىتتاردىڭ ەرٸ قارايعى دامۋىنىڭ بٸز ٷشٸن مەديتسينالىق-ەلەۋمەتتٸك ماڭىزى زور, جەنە بٸز ەلەمدەگٸ جەتەكشٸ كلينيكالاردىڭ سٸزدەر سەكٸلدٸ ٶكٸلدەرٸمەن بٸرلەسە شەبەرلٸك ساباقتارىن, سەمينارلار ٶتكٸزٸپ, ماماندارىمىزدى تەجٸريبەلٸك ٷيرەتۋدە سەرٸكتەس بولۋعا قىزىعۋشىلىق تانىتامىز,-دەگەن ٶڭٸر باسشىسى بۇدان بۇرىن وڭتٷستٸك كورەيا, تٷركييا, رەسەي, اقش جەنە يزرايلدٸڭ دەرٸگەرلەرٸمەن مەملەكەتتٸك-جەكە سەرٸكتەستٸكتٸڭ مەحانيزمدەرٸ مەن مەديتسينالىق كلاستەرلەردٸ قالىپتاستىرۋ اياسىندا كەلٸسٸمشارتتارعا قول قويىلعاندىعى تۋرالى ايتتى.
ٶز كەزەگٸندە, اقتٶبەدەگٸ مەديتسينالىق كلينيكالارمەن تانىسىپ, اقتٶبەلٸك ەرٸپتەستەرٸمەن تٸلدەسٸپ ٷلگەرگەن شەتەلدٸك قوناقتار دا جىلى شىراي تانىتىپ قارسى العاندارى ٷشٸن العىستارىن بٸلدٸرٸپ, ەكٸمنٸڭ مەديتسينا سالاسىنداعى ىنتىماقتاستىقتى كەڭەيتۋ تۋرالى ۇسىنىسىن بٸر اۋىزدان قولدادى.
اقتٶبە وبلىسىنىڭ دەنساۋلىق ساقتاۋ سالاسى قۋاتتى رەسۋرستىق بازاعا يە ەكەندٸگٸ اتالىپ ٶتتٸ. اقتٶبە ەلٸمٸزدٸڭ باتىس ٶڭٸرلەرٸ اراسىندا مەديتسينالىق تۋريزمنٸڭ ورتالىعى بولىپ تابىلادى, ال وبلىستىق كلينيكالىق اۋرۋحانا – قازاقستاننىڭ ترانسپلانت ورتالىقتارىنىڭ تٸزٸمٸنە كٸرگەن باتىس ٶڭٸرلەرٸندەگٸ بٸردەن بٸر مەكەمە.
كەزدەسۋ وبلىس ەكٸمدٸگٸ مەن ۇيعىر اۆتونومييالىق اۋدانىنىڭ سينتسزيان حالىقتىق اۋرۋحاناسىنىڭ ٶكٸلٸ - مەديتسينا پروفەسسورى مياو حۋانگانگ پەن سەنت-لۋيس ۋنيۆەرسيتەتٸنٸڭ ورتوپەدييالىق گوسپيتالٸنٸڭ ٶكٸلٸ پروفەسسور جولداس قۇلجانوۆ اراسىندا مەموراندۋمعا قول قويۋمەن اياقتالدى. كەلٸسٸمشارتقا سەيكەس, تاراپتار دەرٸگەرلەردٸ تەجٸريبەلٸك ٷيرەتۋدە, شەبەرلٸك ساباقتارىن, لەكتسييالار مەن سەمينارلار ٶتكٸزۋدە, سونىمەن قاتار, پاتسيەنتتەرگە كەڭەس بەرۋدە ىنتىماقتاستىقتى دامىتاتىن بولادى.
- اقتٶبەلٸك كلينيكالار ەڭ جاڭا مەديتسينالىق تەحنيكالارمەن جابدىقتالعان. بٷگٸندە, مەملەكەت باسشىسىنىڭ تاپسىرماسىنا سەيكەس, بٸزدٸڭ ەڭ بٸرٸنشٸ مٸندەتٸمٸز – جوعارى بٸلٸكتٸ مامانداردى دايارلاۋ. وسىعان بايلانىستى قول قويىلعان مەموراندۋم مەديتسينامىزدىڭ يگٸلٸگٸنە جۇمىس جاسايتىن بولادى,-دەدٸ بەردٸبەك ساپارباەۆ.
