اقش قورعانىس مينيسترٸ مارك ەسپەر ۇلتتىق گۆاردييا ساربازدارىنىڭ افروامەريكالىق دجوردج فلويدتىڭ ٶلٸمٸنەن كەيٸن بولعان نارازىلىق كەزٸندەگٸ ەرەكەتٸن تەكسەرۋدٸ تاپسىردى.
قورعانىس مينيسترلٸگٸنٸڭ رەسمي حابارلاماسىنداعى اقپاراتقا سەيكەس, ەسپەر 11 ماۋسىمدا "ازاماتتىق تولقۋ كەزٸندە قۇقىق قورعاۋ ورگاندارىنا كٶمەكتەسكەن ۇلتتىق گۆاردييانىڭ قيمىلى" زەرتتەلەدٸ دەپ مەلٸمدەگەن. 25 مامىردا افروامەريكالىق دجوردج فلويدتىڭ پوليتسەي قولىنان قازا تابۋىنان كەيٸن باستالعان نەسٸلشٸلدٸككە قارسى نارازىلىقتى باسۋ كەزٸندەگٸ ۇلتتىق گۆاردييانىڭ ەرەكەتٸنە بايلانىستى تٷرلٸ سىن ايتىلعان.
ۇلتتىق گۆاردييانىڭ ەسٸرەسە, 1 ماۋسىمدا اق ٷي ماڭىنداعى لافايەت الاڭىنان ادامداردى تىقسىرعانى ٶتكٸر سىنعا ۇشىراعان. بۇل كٷنٸ پرەزيدەنت دونالد ترامپ شٸركەۋگە بارۋ ٷشٸن الاڭ اۋماعىنان ٶتەتٸن بولعان. الاڭداعى نارازىلاردى تىقسىرۋ ٷشٸن ساربازدار بۇرىش باللوندارى, تٷتٸن قۇتىلار, رەزەڭكە وق پايدالانعان.
سول كٷنٸ ترامپپەن بٸرگە شٸركەۋگە بارعان شتاب باستىقتارىنىڭ بٸرٸككەن كوميتەتٸنٸڭ تٶراعاسى, اقش ارميياسىنىڭ گەنەرالى مارك ميللي 11 ماۋسىمدا پرەزيدەنتپەن بٸرگە كٶپ الدىنا شىققانىنا ٶكٸنٸپ, كەشٸرٸم سۇراعان. "مەن ولاي ٸستەمەۋٸم كەرەك ەدٸ. توپ اراسىندا مەنٸڭ دە بولعانىم ەسكەريلەر ٸشكٸ ساياساتقا ارالاسادى دەگەن ەسەر قالدىردى" دەپ مەلٸمدەگەن.
