اقش قىتايدىڭ جەتٸ شەنەۋنٸگٸنە "گونكونگتەگٸ دەموكراتييالىق قۇندىلىقتارعا قاۋٸپ تٶندٸردٸ" دەپ سانكتسييا سالدى.
اقش قارجى مينيسترلٸگٸ جارييالاعان سانكتسيياعا قىتايدىڭ گونكونگتەگٸ بايلانىس بٶلٸمٸنٸڭ شەنەۋنٸكتەرٸ ٸلٸنگەن. پەكين بۇل بٶلٸمدٸ گونكونگتە ٶزٸنٸڭ ساياساتىن جٷرگٸزۋ ٷشٸن قولدانادى.
قارا تٸزٸمگە بايلانىس بٶلٸمٸندە باسشىلىق قىزمەت اتقاراتىن چەن دۋن, حە تسزين, لۋ سيننين, تسيۋ حۋن, دان تيانۋي, يان تسزيانپين, ين تسزۋنحۋا جەنە ولاردىڭ ورىنباسارلارى ەنگەن.
اقش مەملەكەتتٸك حاتشىسى ەنتوني بلينكەن "كەيٸنگٸ ۋاقىتتا قىتاي شەنەۋنٸكتەرٸ گونكونگتە دەموكراتييالىق قۇندىلىقتاردى جٷيەلٸ تٷردە بۇزىپ, بيلٸكپەن كەلٸسپەگەن مىڭداعان ادامدى قامادى" دەدٸ.
2019 جىلدان بەرٸ گونكونگتە قىتاي ساياساتىنا قارسى نارازىلىق كٷشەيگەن.
قىتاي "گونكونگ تەرريتوريياسىندا جٷرگەن ادام قانداي دا بٸر ٸسكە كٷدٸكتٸ بولسا, ونى پەكينگە بەرۋ تۋرالى" زاڭىن ۇسىنعان سوڭ گونكونگتە جاپپاي نارازىلىق بولعان ەدٸ.
بۇدان بٶلەك, قىتاي بيلٸگٸ 2020 جىلى 30 ماۋسىمدا گونكونگتٸڭ ۇلتتىق قاۋٸپسٸزدٸگٸ تۋرالى زاڭ قابىلداعان. قاۋٸپسٸزدٸك تۋرالى زاڭعا سەيكەس, پەكين ساتقىندىق, سەپاراتيزم نەمەسە تەرروريزم دەپ تاپقان كەز كەلگەن ەرەكەتتٸ جاساعان ادام ٶمٸر بويىنا باس بوستاندىعىنان ايىرىلۋى مٷمكٸن. بۇل زاڭ گونكونگتٸڭ ٶزٸ ٸشٸندە جەنە باتىس ەلدەرٸ تاراپىنان قاتاڭ سىنعا ۇشىراعان. ولار زاڭ گونكونگتە ساياسي قۋعىندى كٷشەيتەدٸ, تۇرعىنداردىڭ بوستاندىعىن شەكتەيدٸ دەپ سانايدى.
2019 جىلدان بەرٸ گونكونگتەگٸ نارازىلىقتىڭ بەلدٸ مٷشەلەرٸنٸڭ كٶبٸ قامالدى.
1997 جىلى ۇلىبريتانييا گونكونگتٸ قىتايعا بەرگەن, بٸراق بۇل شاعىن ەلدە "بٸر ەل – ەكٸ جٷيە" ساياساتى بولعان. ياعني, گونكونگ 2047 جىلعا دەيٸن ٸشكٸ ساياساتىن ٶزٸ انىقتاۋعا مٷمكٸندٸك العان. ەكٸمشٸلٸك اۋماق پەكينگە تەك سىرتقى ساياسات پەن قورعانىس مەسەلەسٸندە باعىناتىن بولعان. بٸراق قازٸر قىتاي گونكونگكە تٷرلٸ زاڭدار ەنگٸزٸپ, تولىق باقىلاۋ ورناتۋعا تىرىسىپ جاتىر.
