اقش مەملەكەتتٸك دەپارتامەنتٸ ۋكراينادا سوۆەت بيلٸگٸ كەزٸندە ميلليونداعان ادامدى قۇربان ەتكەن اشارشىلىقتىڭ (گولودومور) 85 جىلدىعىنا ارناپ مەلٸمدەمە تاراتتى, دەپ حابارلايدى ازاتتىق.
"يوسيف ستاليننٸڭ رەجيمٸ ولاردى ەدەيٸ اشتان قاتىردى", - دەلٸنگەن 23 قاراشادا جارييالانعان قۇجاتتا. "ۋكراينادا جەر مەن استىقتى جابايىلىقپەن تارتىپ الۋ بەلگٸلٸ بٸر ساياسي ماقسات – ۋكراين حالقى مەن ەلدٸ باعىندىرۋ ٷشٸن جٷرگٸزٸلدٸ", - دەپ جازعان مەملەكەتتٸك دەپارتامەنت. بۇل قۇجاتتا گولودوموردى "20-عاسىرداعى ەڭ جويقىن ايۋاندىقتاردىڭ بٸرٸ" دەپ اتاعان.
1932-1933 جىلدارى بولعان گولودومور كەزٸندە سوۆەت بيلٸگٸ جەكە شارۋالاردىڭ استىعى مەن باسقا دا ازىق-تٷلٸگٸن تارتىپ الۋ ارقىلى ولاردى ۇجىمدىق شارۋاشىلىققا (كولحوز) كٸرۋگە مەجبٷرلەدٸ. تاريحشىلاردىڭ پٸكٸرٸنشە, ەسەپسٸز ادام قىرعىنعا ۇشىراعان گولودومورعا وسىنداي ٸس-ەرەكەتتەر نەگٸزگٸ سەبەپ بولعان.
ۋكراينالىقتاردىڭ كٶبٸ وسىناۋ قايعىلى وقيعانى "گەنوتسيد" دەپ باعالايدى. تٷرلٸ ەسەپتەر بويىنشا, گولودوموردان 3 ميلليوننان 7 ميلليونعا دەيٸن ادام قۇربان بولعان دەلٸنەدٸ. ۋكراينامەن بٸرگە تاعى 15 ەل گولودوموردى "گەنوتسيد" دەپ تانىعان.
مەسكەۋ "گولودومور تۇسىنداعى ساياسات جٷيەلٸ سيپاتتا بولعان" دەگەندٸ ۇزاق جىلداردان بەرٸ جوققا شىعارىپ, وقيعاعا "استىقتىڭ ازدىعى سەبەپ بولعان" دەيدٸ.
اقش مەملەكەتتٸك دەپارتامەنتٸ 23 قاراشادا جارييالاعان مەلٸمدەمەدە بۇعان قوسا "ۋكرايندار بٷگٸندە رەسەيدٸڭ ۋكراين حالقىنىڭ بٸرەگەيلٸگٸ مەن باتىسشىل كٶڭٸل-كٷيٸن جويۋ ەرەكەتٸنٸڭ كەسٸرٸنەن تاعى دا قىرعىنعا تاپ بولدى" دەلٸنگەن.
ۋكراينا گولودومور قۇرباندارىن جىل سايىن قاراشانىڭ تٶرتٸنشٸ سەنبٸسٸندە ەسكە الادى.
1932-1933 جىلدارى بولعان اشارشىلىق زۇلماتىنان قازاق حالقى دا قاتتى زارداپ شەكتٸ. كەي مەلٸمەتتەر بويىنشا, اشتىق كەسٸرٸنەن بٸر ميلليوننان 1,75 ميلليونعا دەيٸن ادام قىرىلعان. كٶپ ادام سوۆەت وداعىنىڭ ٶزگە ايماقتارىنا, قىتاي, موڭعولييا, يران مەن اۋعانستانعا كٶشۋگە مەجبٷر بولعان. قازاقستاندا اشارشىلىق پەن ساياسي قۋعىن-سٷرگٸن قۇرباندارىن جىل سايىن مامىردىڭ 31-ٸ كٷنٸ ەسكە الادى.
