پولشادا تۇراقتى ارمييا شتابى قۇرىلىپ, اقش-تىڭ جاڭا ەسكەري كەمەلەرٸ يسپانيياعا, جويعىش ۇشاقتارى ۇلىبريتانيياعا, ال قۇرلىقتاعى ەسكەرلەرٸ رۋمىنيياعا اتتانادى, دەپ حابارلايدى قازاقپارات BBC News-كە سٸلتەمە جاساپ.
دجو بايدەن مادريدتەگٸ سامميتتە ناتو بارلىق باعىتتا – قۇرلىقتا, ەۋەدە جەنە تەڭٸزدە نىعايتىلاتىنىن ايتتى. اقش مەلٸمدەمەسٸندە ول بٷكٸل قۇرلىق, ەسٸرەسە شىعىس ەۋروپادا ٶزٸنٸڭ قاتىسۋىن نىعايتىپ جاتقانى ايتىلعان, مۇندا ونىڭ 5-شٸ ارمييا كورپۋسىنىڭ جاڭا تۇراقتى شتابى ورنالاسقان.
بۇل شارالارعا يسپانيياداعى اقش ەسكەري-تەڭٸز كٷشتەرٸنٸڭ جويعىش فلوتىن تٶرتتەن التى كەمەگە دەيٸن ۇلعايتۋ, رۋمىنييادا 3 مىڭ ەسكەري قىزمەتكەردەن جەنە 2 مىڭ ادامنان تۇراتىن باسقا جاۋىنگەرلٸك توپتان تۇراتىن قوسىمشا بريگادانى ورنالاستىرۋ, ۇلىبريتانييادا F-35 جاسىرىن جويعىشتارىنىڭ ەكٸ ەسكادريلياسىن ورنالاستىرۋ, گەرمانييا مەن يتاليياعا ەۋە قورعانىسىنىڭ قوسىمشا قۇرالدارىن جٸبەرۋ كٸرٸپ وتىر.
اقش-تىڭ بٷكٸل ەۋروپاداعى ەسكەري قاتىسۋىنىڭ ۇلعايۋى ەسكەري بلوكتى جاپپاي مودەرنيزاتسييالاۋدىڭ بٶلٸگٸ رەتٸندە جٷزەگە اسىرىلۋدا. بۇل ونىڭ جەدەل ەرەكەت ەتۋ كٷشتەرٸنٸڭ كٶلەمٸن ايتارلىقتاي ارتتىرۋدى قاراستىرىپ وتىر.
