كوروناۆيرۋس پاندەميياسى گازەت-جۋرنالدارعا ايتارلىقتاي كەرٸ ەسەرٸن تيگٸزدٸ. بۇل تۋرالى وتاندىق باق سالاسىن دامىتۋ مەسەلەلەرٸنە ارنالعان دٶڭگەلەك ٷستەل جيىنىندا «قازاق ەدەبيەتٸ» گازەتٸنٸڭ باس رەداكتورى قۋات دەۋرەن ايتتى, دەپ حابارلايدى "ۇلت اقپارات".
– ٸندەت باق سالاسىنىڭ ٸشٸندە گازەت-جۋرنالدارعا كەرٸ ەسەرٸن تيگٸزدٸ. شەتەلدٸك باسپاسٶزدەرگە دە وڭاي تيمەدٸ. وقىرماندارى بەلسەندٸ ەۋروپانىڭ ٶزٸندە تارالىمى مول بٸرنەشە گازەت جابىلىپ قالدى. ەۋروپاداعى گازەتتەردٸڭ مۇنداي احۋالى بٸزدٸ دە اينالىپ ٶكەن جوق. وسى جيىننىڭ الدىندا حالىقارالىق «Qazaqstan dauiri» گازەتٸنٸڭ باس رەداكتورى ەرتاي ايعاليۇلىمەن, «Jas qazaq» گازەتٸنٸڭ باس رەداكتورى سرايىل سمايىلمەن سٶيلەستٸم. قىسىلتاياڭ كەزدە بۇل گازەتتەر شىعارىلىمىن توقتاتۋعا مەجبٷر بولعان. بٸزدٸڭ جۋرناليستەر وسىنداي شاقتا گازەتتٸڭ سايتىنا جۇمىس ٸستەدٸ. مىسالى بٸزدٸڭ «قازاق ەدەبيەتٸ» گازەتٸ بٸر ايداي جۇمىسىن توقتاتىپ تۇردى. بٸراق وقىرماندارىمىزدان قالايدا قول ٷزبەۋ ماقساتىندا سايتقا كٶڭٸل بٶلدٸك. سونىڭ ٸشٸندەي «كٷي شەرۋ» دەگەن چەللەندج ٶتكٸزدٸك. ەلدە بولىپ جاتقان وقيعالاردى قالت جٸبەرمەي, قاداعالاپ وتىردىق. اقپاراتتىق تەحنولوگييانىڭ دامۋى وقىرمانىمىزبەن بايلانىمىزدى ٷزبەۋگە سەپتٸگٸن تيگٸزدٸ, – دەدٸ د.قۋات.
