Koronavirýs pandemiiasy gazet-jýrnaldarǵa aitarlyqtai keri áserin tigizdi. Bul týraly otandyq BAQ salasyn damytý máselelerine arnalǵan dóńgelek ústel jiynynda «Qazaq ádebieti» gazetiniń bas redaktory Qýat Dáýren aitty, dep habarlaidy "Ult aqparat".
– Indet BAQ salasynyń ishinde gazet-jýrnaldarǵa keri áserin tigizdi. Sheteldik baspasózderge de ońai timedi. Oqyrmandary belsendi Eýropanyń ózinde taralymy mol birneshe gazet jabylyp qaldy. Eýropadaǵy gazetterdiń mundai ahýaly bizdi de ainalyp óken joq. Osy jiynnyń aldynda halyqaralyq «Qazaqstan dauiri» gazetiniń bas redaktory Ertai Aiǵaliulymen, «Jas qazaq» gazetiniń bas redaktory Sraiyl Smaiylmen sóilestim. Qysyltaiań kezde bul gazetter shyǵarylymyn toqtatýǵa májbúr bolǵan. Bizdiń jýrnalister osyndai shaqta gazettiń saityna jumys istedi. Mysaly bizdiń «Qazaq ádebieti» gazeti bir aidai jumysyn toqtatyp turdy. Biraq oqyrmandarymyzdan qalaida qol úzbeý maqsatynda saitqa kóńil bóldik. Sonyń ishindei «kúi sherý» degen chellendj ótkizdik. Elde bolyp jatqan oqiǵalardy qalt jibermei, qadaǵalap otyrdyq. Aqparattyq tehnologiianyń damýy oqyrmanymyzben bailanymyzdy úzbeýge septigin tigizdi, – dedi D.Qýat.
