2022 جىلدىڭ اقپان ايىندا ەكٸنشٸ دەڭگەيلٸ بانكتەر مەن جەكەلەگەن بانكتٸك ەمەس ايىرباستاۋ پۋنكتەرٸ جالپى سالماعى 82 كەلٸ 2 586 التىن قۇيما ساتتى, دەپ حابارلايدى ۇلتتىق بانك.
حالىققا تازارتىلعان التىن قۇيمالاردى ساتۋ جەنە ساتىپ الۋ باعدارلاماسىن (بۇدان ەرٸ – باعدارلاما) ۇلتتىق بانك 2017 جىلى ٸسكە قوسقان بولاتىن. باعدارلاما قولعا الىنعالى جالپى سالماعى 2,9 تونناعا جۋىق 79 262 التىن قۇيما ساتىلعان.
التىن قۇيمالار بەس تٷرلٸ سالماقتا ۇسىنىلادى: 5, 10, 20, 50 جەنە 100 گ. ساتىپ الۋشىلار اراسىندا ٶتە جوعارى سۇرانىسقا يە تٷرٸ – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ٷلەسٸ – 27%, ياعني, 21 646 دانا. ودان كەيٸن 100 گرامدىق قۇيما سۇرانىسقا يە, 17 491 دانا (22%) ساتىلعان, 20 گرامدىق قۇيمادان 15 283 دانا (19%), 5 گرامدىق قۇيمادان 14 239 دانا (18%), 50 گرامدىق قۇيمادان 10 603 دانا (14%) ساتىلدى. التىن قۇيمالار الماتى, نۇر-سۇلتان جەنە اتىراۋ قالالارىندا كٶپ ساتىلادى.
قارجى نارىعىنداعى تۇراقسىزدىق پەن ايىرباستاۋ باعامى قۇبىلمالى بولىپ تۇرعان جاعدايدا التىن قۇيمالارىنا ينۆەستيتسييا سالۋ جيناقتاردىڭ ساقتالۋىن قامتاماسىز ەتەتٸن بالاما قۇرال بولا الادى.
التىن قۇيمالار نارىعىنداعى ٶتٸمدٸلٸكتٸڭ باستى كەپٸلٸ – بانك پەن بانكتٸك ەمەس ايىرباستاۋ پۋنكتەرٸ كليەنتكە اقشانى سول كٷنٸ تٶلەي وتىرىپ, التىن قۇيمالاردى كەرٸ ساتىپ الا الادى.
باعدارلاما باستالعاننان بەرٸ ەكٸنشٸ دەڭگەيلٸ بانكتەر مەن جەكەلەگەن بانكتٸك ەمەس پۋنكتەر جالپى سالماعى 288,7 كەلٸ 11 756 التىن قۇيمانى كەرٸ ساتىپ العان, بۇل – جالپى ساتىلعان التىن قۇيمالاردىڭ 15%-ى. ولار كەرٸ ساتىپ العان التىن قۇيمالاردىڭ بارلىعى دەرلٸك ۇلتتىق بانكتٸڭ فيليالدارى ارقىلى حالىققا ساتىلادى.
ەربٸر قۇيما قورعاۋ ەلەمەنتتەرٸمەن قاپتالعان (قۇيمانىڭ اينا بەتٸ, ميكروتەكست جەنە جيەگٸ بار) جەنە ارنايى قوراپقا سالىنىپ شىعادى, سول ارقىلى قۇيمانىڭ اشىلعان-اشىلماعانىن وڭاي تەكسەرۋگە بولادى. قورعاپ تۇراتىن قوراپ, سونداي-اق ساپا سەرتيفيكاتى بولىپ سانالادى. سوندىقتان, التىن قۇيمانى ۇقىپتى ساقتاپ, قورابىن بٷلدٸرمەۋگە كەڭەس بەرەمٸز.
قازٸر التىن قۇيمالاردى Halyk Bank, ەۋرازييالىق بانك, Jusan Bank, تسەنتركرەديت بانكٸ, سونداي-اق جەكەلەگەن بانكتٸك ەمەس پۋنكتەردەن ساتىپ الىپ, كەرٸ ساتۋعا بولادى.
