كٶكشەتاۋداعى داڭق مەموريالىندا ەكٸنشٸ دٷنيەجٷزٸلٸك سوعىسىنىڭ قاتىسۋشىلارى كامەن جۇمانوۆ, تٶلەۋباي جۇمابەكوۆ جەنە بەلگٸسٸز جاۋىنگەرگە ەسكەري قۇرمەت كٶرسەتۋگە ارنالعان «ەرلٸككە تاعزىم» ەستەلٸك اكتسيياسى ٶتتٸ, دەپ حابارلايدى "ۇلت اقپارات". اقمولا وبلىستىڭ ٸشكٸ ساياسات باسقارماسىنا سٸلتەمە جاساپ.
تاعىلىمدى شاراعا ايماق ەرمەك مارجىقپاەۆ, رەسەي فەدەراتسيياسى ەلشٸلٸگٸنٸڭ, «اتامنىڭ اماناتى» قوعامدىق بٸرلەستٸگٸنٸڭ ٶكٸلدەرٸ, سونداي-اق قازا تاپقان جاۋىنگەرلەردٸڭ تۋىستارى قاتىستى.
ايماق باسشىسى ٶز سٶزٸندە ٸزدەستٸرۋ توبىنا العىس ايتىپ, اتالعان اكتسييانىڭ ٶسكەلەڭ ۇرپاق ٷشٸن ماڭىزدىلىعىن اتاپ ٶتتٸ.
«بٸز قازٸر وتانىمىزدى فاشيزمنەن قورعاعان اتالارىمىز بەن ەكەلەرٸمٸزدٸڭ جاۋىنگەرلٸك ەرلٸكتەرٸنٸڭ مىسالدارىن جاڭا ۇرپاقتىڭ جادىندا ساقتاۋ ٷشٸن كٶپ جۇمىس ٸستەپ جاتىرمىز. 90 مىڭ اقمولالىقتىڭ 37 مىڭنان استامى سوعىستان ورالدى. بٸز 500-دەن استام قازاقستاندىق باتىرلاردىڭ اراسىندا اقان قۇرمانوۆ, الەكساندر گەرمان, نيكولاي سەرگيەنكو سيياقتى جەرلەستەرٸمٸزدٸڭ بارىن ماقتان تۇتامىز», - دەپ اتاپ ٶتتٸ مارجىقپاەۆ.
ايتا كەتەيٸك, 4 جىل ٸشٸندە ستەپنوگورسك قالاسىنىڭ «پوكولەنيە» جەنە «كٶكشە-ٸزدەستٸرۋ» جاساعىنىڭ ٸزدەۋشٸلەرٸ سوعىسقا قاتىسقان 200-گە جۋىق ادامنىڭ مەيٸتٸن تاۋىپ, جەرلەنگەن ورىندارىن انىقتادى.
1942 جىلى 21 اقپاندا قورعالجىن اۋداندىق ەسكەري كوميسسارياتى شاقىرعان اقمولا وبلىسىنىڭ تۋمالارى كامەن جۇمانوۆ پەن تٶلەۋباي جۇمابەكوۆتىڭ سٷيەكتەرٸ اعىمداعى جىلدىڭ سەۋٸر ايىندا تۆەر وبلىسى رجەۆ قالاسىنىڭ اۋماعىندا مەسكەۋ قالاسىنىڭ «پيونەر» ٸزدەستٸرۋ جاساعىمەن تابىلدى. ٷشٸنشٸ جاۋىنگەردٸڭ قالدىقتارىن انىقتاۋ مٷمكٸن بولمادى.
ميتينگتەن كەيٸن ساربازداردىڭ سٷيەگٸ تۋعان جەرٸ قورعالجىن اۋدانىنا قايتا جەرلەۋگە جٸبەرٸلدٸ.
