كەسٸبي مەرەكەلەرٸ قارساڭىندا اقمولالىق پوليتسەيلەر قىزمەتتٸك بورىشىن ورىنداۋ كەزٸندە قازا تاپقان ەرٸپتەستەرٸ ەيەلدەرٸنٸڭ ٶمٸرٸ تۋرالى تٷسٸرگەن «جيزن پوسلە...» دەرەكتٸ فيلمٸنٸڭ تۇساۋكەسەرٸن ٶتكٸزدٸ, دەپ حابارلايدى "ۇل اقپارات" وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
اقمولا وبلىسى پوليتسييا دەپارتامەنتٸندە تەۋەلسٸزدٸك جىلدارى قازا تاپقان پوليتسييا قىزمەتكەرلەرٸن ەسكە الۋعا ارنالعان سالتاناتتى ٸس-شارا ٶتتٸ. وعان ٸشكٸ ٸستەر ورگاندارىنىڭ ارداگەرلەرٸ, پوليتسييا دەپارتامەنتٸنٸڭ باسشىلىعى, قىزمەتتەر مەن باسقارمالاردىڭ باستىقتارى, جەكە قۇرام ٶزدەرٸنٸڭ قازا تاپقان ەرٸپتەستەرٸنٸڭ جۇبايلارى قاتىستى.
جينالعاندار قازا بولعان پوليتسييا قىزمەتكەرلەرٸنە ارنالعان مەموريالدىق تاقتاعا گٷل شوقتارىن قويىپ, بٸر مينۋت ٷنسٸزدٸكپەن ەسكە الدى.
«بٸزدٸڭ وتباسىمىز قايعى جۇتقان كەزدە مەن ەكٸ بالامەن جالعىز قالدىم. ول كەزدە كٸشكەنتاي بالام بولعاندىقتان جۇمىسىز ٷيدە وتىرعان ەدٸم. ٶمٸردە كٶپتٸ كٶردٸم. جاقسىسى دا, جاماندىعى دا بولدى»,- دەيدٸ شولپان تنەەۆا. ول قاسكٷنەمدٸ ۇستاۋ كەزٸندە قايتىس بولعان پوليتسييا كاپيتانى نيكولاي تنەەۆتٸڭ جەسٸرٸ.
شارا بارىسىندا «جيزن پوسلە...» فيلمٸ ۇسىنىلدى. جوبا اۆتورلارى قىزمەتتە قازا تاپقان پوليتسييا قىزمەتكەرلەرٸنٸڭ ەيەلدەرٸنٸڭ قيىن تاعدىرلارىن كٶرسەتۋگە تارىسقان. فيلم 2 بٶلٸمنەن تۇرادى. دەرەكتٸ فيلمنٸڭ ەكٸنشٸ بٶلٸمٸ قازا تاپقان قىزمەتكەرلەردٸڭ بالالارىنىڭ تاعدىرىنا ارنالعان.
تەۋەلسٸزدٸك جىلدارىندا قىزمەتتٸك مٸندەتٸن ورىنداۋ كەزٸندە ٸشكٸ ٸستەر مينيسترلٸگٸنٸڭ 800 قىزمەتكەرٸ, ونىڭ ٸشٸندە اقمولا وبلىسىنىڭ 32 پوليتسەيٸ قازا تاپتى. ولاردىڭ ٸشٸندە قازاقستان رەسپۋبليكاسىنداعى جالعىز ەيەل, پودپولكوۆنيك بوتاگٶز ماگازوۆنا بيجانوۆا بار.
دەرەكتٸ فيلمدە اقمولالىق پوليتسەيلەردٸڭ جەسٸرلەرٸ جالعىزدىق جىلدارى باسىنان ٶتكەن سىناقتار تۋرالى ەستەلٸكتەرٸمەن بٶلٸسٸپ, ولارعا قايعى-قاسٸرەتتٸ جەڭۋگە جەنە ٶمٸر سٷرۋدٸ جالعاستىرۋعا نە كٶمەكتەسكەنٸ تۋرالى ايتىپ بەردٸ.
فيلمنٸڭ ەكٸنشٸ بٶلٸمٸ قازا بولعان پوليتسييا قىزمەتكەرلەرٸنٸڭ بالالارى تۋرالى باياندالادى.
