Kásibi merekeleri qarsańynda aqmolalyq politseiler qyzmettik boryshyn oryndaý kezinde qaza tapqan áriptesteri áielderiniń ómiri týraly túsirgen «Jizn posle...» derekti filminiń tusaýkeserin ótkizdi, dep habarlaidy "Ul aqparat" oblystyq politsiia departamentiniń baspasóz qyzmetine silteme jasap.
Aqmola oblysy politsiia departamentinde Táýelsizdik jyldary qaza tapqan politsiia qyzmetkerlerin eske alýǵa arnalǵan saltanatty is-shara ótti. Oǵan ishki ister organdarynyń ardagerleri, politsiia departamentiniń basshylyǵy, qyzmetter men basqarmalardyń bastyqtary, jeke quram ózderiniń qaza tapqan áriptesteriniń jubailary qatysty.
Jinalǵandar qaza bolǵan politsiia qyzmetkerlerine arnalǵan memorialdyq taqtaǵa gúl shoqtaryn qoiyp, bir minýt únsizdikpen eske aldy.
«Bizdiń otbasymyz qaiǵy jutqan kezde men eki balamen jalǵyz qaldym. Ol kezde kishkentai balam bolǵandyqtan jumysyz úide otyrǵan edim. Ómirde kópti kórdim. Jaqsysy da, jamandyǵy da boldy»,- deidi Sholpan Tneeva. Ol qaskúnemdi ustaý kezinde qaitys bolǵan politsiia kapitany Nikolai Tneevtiń jesiri.
Shara barysynda «Jizn posle...» filmi usynyldy. Joba avtorlary qyzmette qaza tapqan politsiia qyzmetkerleriniń áielderiniń qiyn taǵdyrlaryn kórsetýge tarysqan. Film 2 bólimnen turady. Derekti filmniń ekinshi bólimi qaza tapqan qyzmetkerlerdiń balalarynyń taǵdyryna arnalǵan.
Táýelsizdik jyldarynda qyzmettik mindetin oryndaý kezinde Ishki ister ministrliginiń 800 qyzmetkeri, onyń ishinde Aqmola oblysynyń 32 politseii qaza tapty. Olardyń ishinde Qazaqstan Respýblikasyndaǵy jalǵyz áiel, podpolkovnik Botagóz Magazovna Bijanova bar.
Derekti filmde aqmolalyq politseilerdiń jesirleri jalǵyzdyq jyldary basynan ótken synaqtar týraly estelikterimen bólisip, olarǵa qaiǵy-qasiretti jeńýge jáne ómir súrýdi jalǵastyrýǵa ne kómekteskeni týraly aityp berdi.
Filmniń ekinshi bólimi qaza bolǵan politsiia qyzmetkerleriniń balalary týraly baiandalady.
