اقمولالىق ەيەل الاياققا 3 ملن تەڭگەگە جۋىق نەسيە رەسٸمدەپ بەرگەن, دەپ حابارلايدى قازاقپارات.
اقمولا وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, الاياقتىڭ ارباۋىنا تٷسٸپ قالعان زەرەندٸ اۋدانى چاگلينكا اۋىلىنىڭ 48 جاستاعى تۇرعىنى. ول ٶزٸنە پوليتسييا قىزمەتكەرٸ رەتٸندە حابارلاسقان الاياققا كٶكشەتاۋ قالاسىنداعى ەكٸ بانكتەن 800 000 جەنە 2 ميلليون تەڭگەگە نەسيە الىپ بەرگەن.
«11 سەۋٸردە ەيەلدٸڭ ۇيالى تەلەفونىنا بەلگٸسٸز ابونەنتتەن قوڭىراۋ تٷسكەن. تەلەفون شالعان ادام ٶزٸن نۇر-سۇلتان قالاسىنىڭ پوليتسييا قىزمەتكەرٸ رەتٸندە تانىستىرعان. ول ەيەلگە الاياقتاردىڭ قۇربانى بولۋى مٷمكٸن ەكەنٸن جەنە بۇعان جول بەرمەۋ ٷشٸن پوليتسييامەن بٸرگە جۇمىس ٸستەۋ قاجەتتٸگٸن ايتقان», - دەدٸ ۆەدومستۆودان.
بۇدان ەرٸ جاڭا بٶلٸمنٸڭ جالعان قىزمەتكەرٸ ەيەلدٸڭ اتىنا نەسيە زاڭسىز رەسٸمدەلۋٸ مٷمكٸن ەكەنٸن ايتتى جەنە وعان جاقىن ارادا بارلىق جاعدايلاردى ناقتىلاۋ ٷشٸن بانككە بارۋعا كەڭەس بەرەدٸ.
«وسىلايشا, الاياقتاردىڭ ارباۋىنا تٷسكەن ەيەل كەلەسٸ كٷنٸ «پوليتسييانىڭ» ارنايى وپەراتسيياسىنا قاتىساتىنىنا سەنٸپ, بانكتەن 800 000 تەڭگە نەسيە رەسٸمدەيدٸ. كەيٸن ەكٸنشٸ بانككە بارىپ, تاعى 2 ميلليون نەسيە الىپ, اقشانى قايتارۋ ٷشٸن «پوليتسييانىڭ» ەسەپ-شوتىنا اۋدارادى. سەۋٸردٸڭ 14 كٷنٸ عانا ول ۋچاسكەلٸك پوليتسييا قىزمەتكەرٸمەن كەزدەسكەنٸندە عانا الاياقتىڭ الداۋىنا تٷسكەنٸن بٸلەدٸ», - دەپ تولىقتىردى ۆەدومستۆودان.
قازٸرگٸ كەزدە وسىعان بايلانىستى قىلمىستىق كودەكستٸڭ 190-بابى 2-بٶلٸگٸ بويىنشا سوتقا دەيٸنگٸ تەرگەۋ شارالارى جٷرگٸزٸلۋدە.
