فوتو: belokurikha.ru
اقمولا وبلىسىنىڭ ساندىقتاۋ اۋدانىندا ەر ادام تاماق ٸشٸپ وتىرىپ قازا بولدى. قازٸر پوليتسييا تەرگەۋ جٷرگٸزٸپ جاتىر, - دەپ حابارلايدى Massaget.kz پورتالى.
55 جاستاعى ەر ادامنىڭ كەنەتتەن قازا بولۋىنا بايلانىستى ساندىقتاۋ اۋداندىق پوليتسييا بٶلٸمٸ تەكسەرٸستٸ باستاعان.
وقيعا 22 ناۋرىزدا بولعان. پوليتسيياعا ەلوردا تۇرعىنىنىڭ قايعىلى قازاعا ۇشىراعانى تۋرالى ۋچاسكەلٸك پوليتسييا ينسپەكتورى حابارلاعان. كۋەگەرلەردٸڭ ايتۋىنشا, ەر ادام ەت جەپ وتىرىپ تۇنشىعىپ قالعان.
"الدىن الا مەلٸمەتتەر بويىنشا ەر ادامنىڭ ٶلٸمٸ مەحانيكالىق اسفيكسييادان, ياعني تىنىس جولدارىندا تاماقتىڭ تۇرىپ قالۋى سالدارىنان بولعان. ەر ادام اۋىلدا قوناقتا جٷرگەن, - دەيدٸ اقمولا وبلىسى پوليتسييا دەپارتامەنتٸنٸڭ باسپاسٶز قىزمەتٸنٸڭ جەتەكشٸسٸ گٷلنەر پينچۋك.
استانالىق ازاماتتىڭ قازا بولۋىنىڭ ناقتى سەبەپتەرٸ سوت-مەديتسينالىق ساراپتاماسى بارىسىندا انىقتالادى.
